![]() (2013) ![]() | |
Nome orixinal | (sv) Neneh Marianne Karlsson Cherry ![]() |
---|---|
Biografía | |
Nacemento | (sv) Neneh Mariann Karlsson ![]() 10 de marzo de 1964 ![]() Estocolmo, Suecia ![]() |
Datos persoais | |
Outros nomes | Neneh Cherry ![]() |
País de nacionalidade | Suecia ![]() |
Actividade | |
Ocupación | cantante , compositora de cancións , compositora , disc-jóckey ![]() |
Período de actividade | 1987 ![]() |
Membro de | |
Xénero artístico | Música pop, trip hop (pt) ![]() ![]() ![]() |
Lingua | Lingua sueca e lingua inglesa ![]() |
Instrumento | Voz ![]() |
Selo discográfico | Virgin Records ![]() |
Familia![]() | |
Cónxuxe | Cameron McVey (1990–) Bruce Smith (1983–1984) |
Fillos | Naima Karlsson (en) ![]() ( ![]() ![]() Mabel ( ![]() ![]() ![]() |
Pais | Ahmadu Jah (pt) ![]() ![]() ![]() ![]() |
Irmáns | Eagle-Eye Cherry (pt) ![]() ![]() ![]() |
Parentes | David Ornette Cherry (en) ![]() ![]() Christian Jon Cherry (en) ![]() ![]() Marlon Roudette (fillastro) ![]() |
Premios
| |
Páxina web | nenehcherry.co.uk ![]() |
![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() |
Neneh Mariann Karlsson, nada en Estocolmo o 10 de marzo de 1964 é unha cantante, compositora, rapeira e DJ e locutora ocasional sueca,[1][2] coñecida como Neneh Cherry. A súa carreira musical comezou en Londres a principios da década de 1980, actuando en varias bandas de punk e post-punk bands durante a súa mocidade, incluídas The Slits e Rip Rig + Panic.
Cherry publicou cinco álbums de estudio co seu nome. O primeiro, Raw Like Sushi, publicouse en 1989 e chegou ao número tres no UK Album Chart, grazas en parte ao éxito mundial "Buffalo Stance". O seu segundo álbum foi Homebrew (1992) e catro anos despois publicou Man. Ademais destes discos, formou a banda cirKus en 2006 e colaborou con The Thing, publicando un disco titulado The Cherry Thing en 2012.
Cherry gañou dous Brit Awards e un MTV Europe Music Award (con Youssou N'Dour). Foi tamén candidata aos premios Grammy.
Cherry é a filla de Monika "Moki" Karlsson (1943–2009), pintora e artista téxtil sueca, e o músico Ahmadu Jah (1936–2018). Jah naceu en Serra Leoa, fillo dun xefe tribal que foi a Estocolmo para estudar enxeñaría.[3] Os pais de Cherry separáronse deseguido e a súa nai casou co influente músico de jazz estadounidense Don Cherry, que axudou a criar a Neneh dende o seu nacemento. Ela tomou o apelido do seu padrasto.[1]
Por parte de nai, Cherry ten un medio irmán, o músico Eagle-Eye Cherry. Por parte do seu padrasto, ten unha media irmá, a violinista Jan Cherry, e un medio irmán, o músico de jazz David Ornette Cherry. Polo matrimonio do seu pai con Maylen Bergström, Cherry é medio irmá da cantante Titiyo e do produtor musical Cherno Jah.
En 1983, Cherry casou co batería Bruce Smith[4] e tivo unha filla, Naima.[5][6] Divorciáronse en 1984. Naima é fotógrafa en Londres e ten un fillo chamado Louis Clyde Flynn Love[7] en 2004.[5]
En 1986, Cherry coñeceu o produtor Cameron "Booga Bear" McVey no aeroporto de Heathrow. Cherry e McVey estaban de camiño ao Xapón como mdelos para o deseñador Ray Petri. Cherry pediulle matrimonio e a parella casou en 1990.[8] Cherry e McVey tiveron dúas fillas: Tyson, nada en 1989, e a cantante Mabel, nada en 1996.[5] Cherry e McVey tiveron tamén unha relación laboral: McVey produciu e coescribiu Raw Like Sushi.[9] Ademais, estiveron xuntos no grupo cirKus. Cherry ten un fillastro, Marlon Roudette (antigo líder de Mattafix), pola relación anterior de McVey con Vonnie Roudette.[10]