Murmur | ||||
---|---|---|---|---|
Álbum de R.E.M. | ||||
Publicado | 12 de abril de 1983 | |||
Gravación | xaneiro-febreiro de 1983 | |||
Estudio(s) | Reflection Studios, Charlotte | |||
Duración | 44:11 | |||
Xénero(s) | rock alternativo, post-punk, folk rock | |||
Selo(s) | I.R.S. Records | |||
Producido por | Don Dixon, Mitch Easter | |||
Cronoloxía | ||||
| ||||
Murmur é o álbum de estrea da banda estadounidense de rock alternativo R.E.M., publicado o 12 de abril de 1983 a través do selo I.R.S. Records. O disco foi aclamado pola crítica tras o seu lanzamento polo seu son pouco común, definido polas letras crípticas do vocalista Michael Stipe, o duro e discordante estilo de guitarra de Peter Buck, e as liñas melódicas do baixista Mike Mills.
R.E.M. comezou a gravar o seu álbum de estrea en decembro de 1982. I.R.S. emparellou á banda co produtor Stephen Hague, que tiña un perfil máis alto que o anterior produtor de R.E.M. Mitch Easter.[1] A énfase de Hague na perfección técnica non encaixou co grupo; o produtor fixo ao grupo interpretar múltiples tomas da canción "Catapult", o que desmoralizou ao batería Bill Berry. Ademais, Hague colleu o tema completo e levouno ao estudio Synchro Sound de Boston onde lle engadiu partes de teclado sen o permiso do grupo.[2] Insatisfeitos, os membros de R.E.M. pedíronlle ao selo poder gravar con Easter.[3] I.R.S. accedeu a unha sesión de proba, permitindo á banda viaxar a Carolina do Norte e gravar a canción "Pilgrimage" con Easter e o seu compañeiro Don Dixon. Tras escoitar o resultado I.R.S. permitiu ao grupo traballar con Dixon e Easter.[4]
O 6 de xaneiro de 1983 R.E.M. entrou nos Reflection Studios en Charlotte, Carolina do Norte, para comezar as sesións de gravación con Easter e Dixon. Gran parte do material da banda para o disco probárase en anteriores xiras. Debido á mala experiencia con Hague, o grupo gravou o traballo a través dun proceso de negación, rexeitando incorporar clichés do rock como solos de guitarra ou os populares sintetizadores da época, para darlle á súa música unha sensación intemporal.[4] Berry especificamente resitíuse a suxestións musicais "raras", insistindo en que as súas baterías fosen gravadas cunha cabina para batería, unha técnica xa anticuada nese momento.[5] Dixon e Easter adoptaron un enfoque práctico na meirande parte do proceso de gravación. A parella só arranxou unha pista de voz e pedíronlle ao vocalista Michael Stipe regravar se era moi deficiente.[6] A gravación rematou o día 23 de febreiro de 1983.
Tódolos temas escritos e compostos por Bill Berry, Peter Buck, Mike Mills, e Michael Stipe, agás onde se indique.
Cara 1 | |||||||||
---|---|---|---|---|---|---|---|---|---|
N.º | Título | Escritor(es) | Duración | ||||||
1. | "Radio Free Europe" | 4:06 | |||||||
2. | "Pilgrimage" | 4:30 | |||||||
3. | "Laughing" | 3:57 | |||||||
4. | "Talk About the Passion" | 3:23 | |||||||
5. | "Moral Kiosk" | 3:31 | |||||||
6. | "Perfect Circle" | 3:29 |
Cara 2 | |||||||||
---|---|---|---|---|---|---|---|---|---|
N.º | Título | Escritor(es) | Duración | ||||||
1. | "Catapult" | 3:55 | |||||||
2. | "Sitting Still" | 3:17 | |||||||
3. | "9–9" | 3:03 | |||||||
4. | "Shaking Through" | 4:30 | |||||||
5. | "We Walk" | 3:02 | |||||||
6. | "West of the Fields" | Berry, Buck, Mills, Stipe e Neil Bogan | 3:17 |
Cancións extra da edición The IRS Vintage Years de 1992 | |||||||||
---|---|---|---|---|---|---|---|---|---|
N.º | Título | Escritor(es) | Duración | ||||||
1. | "There She Goes Again" | Lou Reed | 2:48 | ||||||
2. | "9–9" (vivo en Boston, Massachusetts, 13 de xullo de 1983) | 3:04 | |||||||
3. | "Gardening at Night" (vivo en Boston) | 3:47 | |||||||
4. | "Catapult" (vivo en Seattle, Washington, 27 de xuño de 1984) | 4:03 |
Canción extra da edición deluxe de 2008 (Live at Larry's Hideaway in Toronto, July 9, 1983)