A provincia de Morobe é unha das provincias de Papúa Nova Guinea, na súa costa norte, con capital a cidade de Lae. A provincia cobre unha área total de 34.500 km², cunha poboación de 539.725 habitantes segundo o censo realizado no ano 2000. Conta con 9 distritos administrativos e nela fálanse 171 linguas distintas.
Durante a segunda guerra mundial entre 1942 e 1943, na península Huon, no nordeste de Morobe, aconteceu a chamada Campaña da Península Huon, onde tropas xaponesas e aliadas se disputaron a rexión.[1]