Miguel Castelo | |
---|---|
Nacemento | 20 de abril de 1946 |
Lugar de nacemento | Freás de Eiras |
Nacionalidade | España |
Ocupación | xornalista e cineasta |
Na rede | |
![]() ![]() | |
[ editar datos en Wikidata ] | |
Miguel Ángel Castelo Agra, nado en Freás de Eiras (Ramirás) o 20 de abril de 1946, é un xornalista e cineasta galego.
Licenciado en Ciencias da Información na especialidade de Imaxe. Comezou no audiovisual nos anos setenta realizando curtametraxes. Compaxinou a súa actividade como crítico cinematográfico e teatral coas realizacións para cine, televisión e vídeo. En 1979 fundou a distribuidora Rula Difusora Cultural Galega e despois a produtora Video Trama (1983). Dirixiu para Televisión Española o primeiro programa dedicado ao cine de Galicia, Do cinema galego (1984), e colaborou en diversos espazos da Televisión de Galicia. Ten exercido a docencia de medios audiovisuais na Escola Técnica Superior de Arquitectura da Coruña.