Microondas (tamén designadas SHF- Super High Frequency) son ondas electromagnéticas con lonxitudes de onda maiores que os dos raios infravermellos, mais menores que a lonxitude de onda das ondas de radio. Esta magnitude varía, consoante os autores, de 30 cm (1 GHz de frecuencia) ata 1 cm (30 GHz de frecuencia).

Nota: enriba dos 300 GHz, a absorción da radiación electromagnética pola atmosfera da Terra é tan grande que esta é practicamente opaca para as frecuencias máis altas, ata que se torna novamente transparente na, así chamada, "fiestra" do infravermello ata a luz visíbel.

As microondas poden xerarse por varios dispositivos, xeralmente divididos en dúas categorías: dispositivos de estado sólido e dispositivos a válvulas. Os dispostivos de estado sólido son constituídos por semicondutores tales como silicio ou arseniato de galio, e inclúen o transistor de efecto de campo (coñecido pola sigla en inglés FET: Field Effect Transistor), o transistor de xunción bipolar (coñecido pola sigla en inglés BXT Bipolar Junction Transistor), o díodo Gunn e o díodo IMPATT, entre outros. Os dispositivos a válvula funcionan con base no movemento balístico dos electróns no baleiro, baixo a influencia de campos de control eléctricos ou magnéticos, e inclúen o magnetrón, o klystron, o TWT e o xirotrón.

• Un forno de microondas usa un xerador de microondas do tipo magnetrón para producir micro-ondas nunha frecuencia de aproximadamente 2,45 GHz para cociñar os alimentos. As microondas cociñan os alimentos, facendo con que as moléculas de auga e outras substancias presentes nos alimentos vibren. Esta vibración crea unha calor que aquece o alimento. Debido a que a maior parte dos alimentos orgánicos está composta de auga, este proceso cocíñaos facilmente.
• As microondas úsanse nas transmisións para un satélite de comunicacións, porque as microondas atravesan facilmente a atmosfera terrestre, con menos interferencia que as ondas máis longas. Alén diso, as microondas permiten unha maior largura de banda que o restante do espectro de radiofrecuencia.
• O Radar tamén usa radiación en microondas para detectar a distancia, velocidade e outras características de obxectos distantes.
• As redes sen fíos, tales como Bluetooth e outros usan microondas na faixa de 2,4 a 5 GHz. Servizos de Aceso á Internet por radio tamén usan a faixa de 3,5 a 4,0 GHz.
• Televisión por cable e Internet de banda larga por cable coaxial e por MMDS, ben como certas redes de telefonía celular móbil, tamén usan as frecuencias máis baixas das microondas.
• As microondas poden usarse para transmitir enerxía a longas distancias e, despois da 2ª Guerra Mundial, teñen sido realizadas diversas investigacións para verificar esas posibilidades. A NASA realizou investigacións, durante os anos 1970/80, sobre o uso de Satélites de Enerxía Solar que captarían as emisións solares e as retransmitirían para a superficie da Terra por medio de microondas.
• Un máser é un dispositivo semellante ao láser, excepto polo feito de que traballa na faixa das microondas, en lugar da luz visíbel.

Este artigo sobre física é, polo de agora, só un bosquexo. Traballa nel para axudar a contribuír a que a Galipedia mellore e medre.  Existen igualmente outros artigos relacionados con este tema nos que tamén podes contribuír.