![]() ![]() | |
Biografía | |
---|---|
Nacemento | 5 de xuño de 1965 ![]() Huntsville, Estados Unidos de América (pt) ![]() ![]() |
Datos persoais | |
País de nacionalidade | Estados Unidos de América ![]() |
Educación | Virgil I. Grissom High School (en) ![]() Universidade de Princeton Universidade de California en Berkeley - Doutor en filosofía ![]() |
Director de tese | Hyron Spinrad (pt) ![]() ![]() ![]() |
Actividade | |
Campo de traballo | Planetoloxía ![]() |
Ocupación | astrónomo ![]() |
Empregador | Instituto Tecnolóxico de California ![]() |
Membro de | |
Obra | |
Doutorando | Konstantin Batygin (pt) ![]() ![]() ![]() |
Premios
| |
Páxina web | gps.caltech.edu… ![]() |
![]() ![]() ![]() ![]() |
![]() | ||||||||||||||||||||||||||||||||||||
Michael E. Brown
|
Michael E. Brown, nado o 5 de xuño de 1965 en Huntsville (Alabama), é un profesor do planetario astronómico do Instituto Tecnolóxico de California (Caltech) dende o 2003. Anteriormente foi profesor asociado de Caltech no 2002–2003 e profesor asistente, tamén en Caltech en 1997–2002.[1]
Brown graduouse no Instituto Virgil I. Grissom en 1983. Brown obtivo o A.B. en física na Universidade de Princeton en 1987. Logo fixo un máster e un doutoramento, en 1990 e 1994 respectivamente, na Universidade de California, Berkeley.[1]
Brown é coñecido na comunidade científica polas súas pequisas de obxectos que orbitan o Sol. O seu equipo descubriu moitos dos obxectos transneptunianos (TNOs). Particularmente notables son Eris, o único TNO descuberto que é maior que Plutón, e é un dos planetas ananos que hai no Sistema Solar; 90377 Sedna, un planetoide; e 90482 Orcus.
Brown e o seu equipo tamén estiveron observando o planeta anano Haumea aproximadamente seis meses antes de que fora anunciada a súa descuberta por José Luis Ortiz Moreno e os seus compañeiros do Observatorio de Serra Nevada, en España. Brown acusou a Ortiz de fisgar no seus arquivos para levalo recoñecemento da descuberta de Haumea. O certo é que IPs radicadas no Instituto de Astrofísica de Andalucía (CSIC), onde Ortiz traballa, constan como titulares de correos electrónicos enviados por Ortiz e compañeiros. Isto ocorreu na semana anterior ao anuncio do descubrimento.[2] Cando se lle preguntou por esta actividade el respondeu que a única razón era porque non anunciaban o obxecto, pois eles xa o tiñan identificado.[3]
Brown pediulle á Unión Astronómica Internacional que lle acredite ao seu equipo o descubrimento de Haumea. Non obstante, Ortiz e compañeiros son os descubridores, mentres que a autoría do nome é de Brown. Ortiz prefería Ataecina.
Brown foi definido por Time's no 2006 como unha das cen persoas máis influentes.[4] No 2007 recibiu o premio anual de Caltech, Feynman Prize. O asteroide 11714 Mikebrown, descuberto o 28 de abril de 1998, recibe o seu nome na súa honra.[5]
Michael Brown formou persoas da astrofísica como poden ser Jean-Luc Margot, Chad Trujillo, e Marc Kuchner.
Brown casou con Diane Binney o 1 de marzo de 2003,[6] con quen ten unha filla.[7]