![]() ![]() | |
Biografía | |
---|---|
Nacemento | 14 de xuño de 1958 ![]() A Pobra do Brollón, España ![]() |
![]() | |
Representa: Alternativa Galega de Esquerda 1 de xullo de 2014 – 1 de xullo de 2019 Lexislatura: VIII lexislatura do Parlamento Europeo Circunscrición electoral: España Electa en: Eleccións ao Parlamento Europeo de 2014 ![]() | |
Datos persoais | |
País de nacionalidade | España ![]() |
Actividade | |
Lugar de traballo | Estrasburgo Bruxelas ![]() |
Ocupación | política , sindicalista ![]() |
Partido político | ANOVA-Irmandade Nacionalista ![]() |
Lingua | Lingua castelá ![]() |
Páxina web | ageuropa.gal ![]() |
![]() ![]() ![]() ![]() ![]() |
Lidia Senra Rodríguez, nada na Pobra do Brollón o 14 de xuño de 1958, é unha destacada sindicalista do agro galego. Foi membro da Executiva da Coordinadora Labrega Europea (CPE) durante catro anos.
Estudou o bacharelato en Monforte, e despois comezou a colaborar cos Comités de Axuda á Loita Labrega a mediados dos anos setenta. En 1984, durante o segundo congreso de Comisións Labregas, foi elixida responsable de organización e finanzas. Cinco anos máis tarde, en 1989, accede á secretaría xeral do Sindicato Labrego Galego durante o transcurso do terceiro congreso.
Lidia Senra participou en diversos encontros internacionais representando a Vía Campesina, movemento labrego mundial que agrupa organizacións de América, Asia, África e Europa. Ademais, interveu activamente nos tres foros sociais europeos celebrados en Florencia, París e Londres.
O padroado da Fundación Pedrón de Ouro escolleu a Lidia Senra como Pedrón de Ouro 2011, na súa 48ª edición.
No 2014 presentouse coma candidata, en representación de Anova[1], a deputada ás eleccións europeas do 25 de maio por Alternativa Galega de Esquerda en Europa: A esquerda plural[2] e foi elixida deputada[3].
![]() |
Wikimedia Commons ten máis contidos multimedia na categoría: Lidia Senra ![]() |