Biografía | |||||||||||||||||||||||||||||||||||
---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
Nacemento | valor descoñecido ![]() Vedra, España ![]() | ||||||||||||||||||||||||||||||||||
Morte | 1936 ![]() | ||||||||||||||||||||||||||||||||||
Datos persoais | |||||||||||||||||||||||||||||||||||
País de nacionalidade | España ![]() | ||||||||||||||||||||||||||||||||||
Actividade | |||||||||||||||||||||||||||||||||||
Ocupación | futbolista ![]() | ||||||||||||||||||||||||||||||||||
Lingua | Lingua castelá ![]() | ||||||||||||||||||||||||||||||||||
Deporte | fútbol ![]() | ||||||||||||||||||||||||||||||||||
|
Juan Clemente, máis coñecido como Juanito, nado en Vedra, foi un futbolista galego que xogaba na demarcación de defensa.
Xogaba no Fortuna en 1923, no momento da fusión co Vigo Sporting para dar lugar ao Celta de Vigo, converténdose nun dos capitáns do novo equipo, xunto con Luís Otero, Pasarín e Córdoba.
O 16 de setembro de 1923 no campo de Coia produciuse a presentación do Real Club Celta de Vigo cun encontro entre dous equipos confeccionados co seu cadro de xogadores que naquel momento era de 62. Un deles foi capitaneado por Juanito.
O Celta debutou en competición oficial ese mesmo ano no Campionato de Galicia, trofeo que gañou esa tempada e mais as dúas seguintes. Neses anos Juanito Clemente formou parella na defensa con Pasarín e con Otero antes de que este fichase polo Deportivo da Coruña.
Pese a actuar como defensa acadou boas cifras goleadoras, sobre todo transformando penaltis. Lémbranse especialmente algúns dos goles de Juanito, como por exemplo o que marcou no último encontro do primeiro Campionato de Galicia que conseguiu o Celta fronte ao Eiriña CF, ou os dous que marcou ante o Boca Juniors nun dos dous amigábeis que xogou o club xeneize na súa xira europea de 1925 en Vigo.
Tamén xogou na defensa xunto a Pasarín o primeiro encontro que disputou o Celta no Campionato de España, contra o Athletic de Bilbao.
Na tempada 1925-26 comezou a ser suplente pola chegada de xogadores máis xoves como Cabezo. Na seguinte tempada disputaría os seus últimos encontros co equipo vigués.
En agosto de 1931 disputouse en Vigo dous encontro na súa honra, un entre o Español FC e o Alondras CF, con vitoria dos primeiros por 5-2, e outro entre antigos xogadores do Vigo Sporting e o Fortuna cun 3-4 como resultado final.
Formou parte da Selección de fútbol de Galicia en varias ocasións, destacando os encontros contra un combinado dunha escuadra da armada británica e contra a selección de Lisboa.
Anos | Club |
---|---|
Real Vigo Sporting Club | |
1921-1923 | Real Club Fortuna de Vigo |
1923-1927 | Real Club Celta de Vigo |
Primeiro derbi entre Deportivo e Celta | |
---|---|
Resultado: 3-0 • Data: 9 de novembro de 1924 | |
Deportivo | |
Celta | |
Outros datos |