![]() ![]() | |
Biografía | |
---|---|
Nacemento | 26 de marzo de 1968 ![]() Chicago, Estados Unidos de América ![]() |
Datos persoais | |
País de nacionalidade | Estados Unidos de América ![]() |
Educación | Elk Grove High School (en) ![]() ![]() |
Actividade | |
Ocupación | guitarrista , compositor ![]() |
Período de actividade | 1988 ![]() |
Membro de | |
Xénero artístico | Rock alternativo ![]() |
Lingua | Lingua inglesa ![]() |
Instrumento | Guitarra ![]() |
Selo discográfico | EMI Music Japan Inc. (pt) ![]() ![]() |
Páxina web | jamesiha.com ![]() |
![]() ![]() ![]() ![]() ![]() ![]() ![]() |
James Yoshinobu Iha naceu o 26 de marzo de 1968 en Chicago, Illinois. Actualmente é un dos guitarristas da banda de rock A Perfect Circle. Tamén tocou en The Smashing Pumpkins, da que foi fundador xunto con Billy Corgan, ata o ano 2000 e sacou un disco en solitario en 1998, titulado Let It Come Down. No ano 2009 fundou o supergrupo Tinted Windows ao lado de membros de Cheap Trick, Fountains of Wayne e Hanson.
Iha asistíu ao instituto de Elk Grove High School en Elk Grove Village, Illinois, a mesma vila na que nacera o guitarrista e cantante de The Smashing Pumpkins Billy Corgan. Ao igual que Billy, el tamén tiña un irmán cunha deficiencia mental. Actualmente vive en Manhattan e posúe, xunto coa súa ex-moza e antiga baixista de The Smashing Pumpkins D'Arcy Wretzky e Adam Schlesinger de Fountains of Wayne, o selo independente Scratchie Records. Entre as bandas contratadas polo selo están Fountains of Wayne, The Frogs e Fulflej.
Na banda de Chicago Iha escribiu ou co-escribiu parte dos temas do grupo, entre eles, "Blew Away" no Pisces Iscariot, "Bugg Superstar" no Vieuphoria, "Take Me Down" no Mellon Collie and the Infinite Sadness, "...Said Sadly", "Believe", "The Boy", e "The Bells" en The Aeroplane Flies High, "Summer" no sinxelo de "Perfect" e "Go" para o MACHINA II/Friends and Enemies of Modern Music. Co-escribiu con Billy Corgan "I Am One" do Gish, "Soma" e "Mayonaise" no Siamese Dream, "Plume" no Pisces Iscariot e "Farewell and Goodnight" do Mellon Collie and the Infinite Sadness. Tamén canta en "Take Me Down", así como na versións de The Cure "A Night Like This" e de Syd Barrett "Terrapin".
Dende a separación de The Smashing Pumpkins no ano 2000 Iha participou en moitos proxectos. Continuou contribuíndo en gravacións doutros artistas, como en "Don't Be Sad" do álbum Pneumonia da banda Whiskeytown, editado no 2001; e fixo algunhas actuacións con Ivy.
En xullo do 2003 uniuse a A Perfect Circle, durante a xira do álbum Thirteenth Step. Dende entón apareceu no álbum do 2004 eMOTIVe e contribuíu nas remesturas de "Blue" e "The Outsider". En 2003 xuntouse tamén á banda Vanessa and the O's, que editou o EP Plus Rien en Suecia ese ano.
Iha tamén colaborou e produciu dous temas co músico xaponés Chara, no seu álbum do 2001 MADRIGAL. As cancións son "Boku ni Utsushite" e "Skirt".
Recentemente Iha colaborou en proxectos no Xapón, tanto musicais como de deseño. Coa axuda do amigo e representante Isao Izutsu, Iha creou a marca de roupa Vapor no 2001. Iha tamén fixo a música para a película xaponesa Linda, Linda, Linda, que saíu a finais do verán do 2005.
O 17 de febreiro do 2009 anunciouse que James Iha, xunto co vocalista Taylor Hanson, o baixista de Fountains Of Wayne Adam Schlesinger, e o batería de Cheap Trick Bun E. Carlos, formara unha nova banda chamada Tinted Windows.
Álbums de estudio | |
---|---|
EPs | |
Box sets | |
Sinxelos | |
Artigos relacionados |