Ipecac Recordings | |
---|---|
Tipo | selo discográfico |
Data de fundación | 1 de abril de 1999 |
Fundador(es) | Mike Patton e Greg Werckman |
Nomeado en referencia a | Xarope de ipeca |
Sede | Califórnia |
País | Estados Unidos de América |
Na rede | |
http://www.ipecac.com/ | |
![]() ![]() ![]() ![]() ![]() ![]() ![]() | |
[ editar datos en Wikidata ] |
Ipecac Recordings é unha discográfica independente estadounidense que ten a súa sede en Orinda, unha vila do condado de Contra Costa, en California. Fundárona o 1 de abril de 1999 Greg Werckman, que traballara antes en Alternative Tentacles, Mercury Records e Pick-A-Winner Management, e Mike Patton (Faith No More, Fantômas). A súa sede primeira estivo en Alameda.
Orixinalmente o selo creárono para o único propósito de editar o primeiro álbum de Fantômas, mais despois transformouse para distribuír outros artistas coma The Melvins, Isis e outros dos proxectos e colaboracións de Patton. Ipecac distínguese da maioría dos selos (incluídos os independentes) pola súa política de asinar coas bandas contratos por un único álbum.
O nome do selo vén do xarope de ipecacuaña (ipecac en inglés), unha menciña con propiedades eméticas (que provocan o gómito). O seu lema é "Ipecac Recordings, facendo trousar a xente desde 1999" (Ipecac Recordings - Making People Sick Since 1999).