Exodus: Gods and Kings | |
---|---|
Ficha técnica | |
Título orixinal | Exodus: Gods and Kings |
Director | Ridley Scott |
Produtor |
|
Guión |
|
Baseado en | Libro do Éxodo, do Antigo Testamento (Biblia) |
Intérpretes |
|
Música | Alberto Iglesias |
Fotografía | Dariusz Wolski |
Montaxe | Billy Rich |
Estudio |
|
Distribuidora | 20th Century Fox |
Estrea | ![]() |
Duración | 150 minutos[1] |
Orixe | ![]() ![]() ![]() |
Xénero | Drama, acción |
Orzamento | $140–200 000 000[3][4] |
Recadación | $268 200 000[5] |
Na rede | |
http://www.exodusgodsandkings.com/ | |
![]() ![]() ![]() ![]() ![]() ![]() ![]() ![]() ![]() ![]() ![]() ![]() |
Exodus: Gods and Kings (literalmente Éxodo: Deuses e Reis) é un filme épico estadounidense de 2014 dirixido por Ridley Scott e escrito por Adam Cooper, Bill Collage, Jeffrey Caine e Steven Zaillian. Trátase dunha coprodución entre os Estados Unidos, o Reino Unido e España e foi producido por Peter Chernin, Ridley Scott, Jenno Topping, Michael Schaefer e Mark Huffam con música de Alberto Iglesias. Os protagonistas do filme son Christian Bale, Joel Edgerton, John Turturro, Aaron Paul, Ben Mendelsohn, María Valverde Rodríguez, Sigourney Weaver, Ghassan Massoud, Indira Varma, Golshifteh Farahani e Ben Kingsley. Está inspirado no episodio bíblico do éxodo dos hebreos dende Exipto liderados por Moisés e que está relatado no libro do Éxodo.
Contra o 15 de marzo de 2013, Deadline.com informou que Ridley Scott quería a Christian Bale como protagonista do filme[7] a quen posteriormente confirmou o papel de Moisés o 13 de agosto a seguir.[8] O mesmo día, Joel Edgerton tamén se uniu ao repartimento co fin de interpretar a Ramsés xunto a Bale; e confirmouse que a produción empezaría en setembro.[9] O estudio anunciou os castings na Almería e Fuerteventura para buscar uns 4500 extras.[10] O 27 de agosto, Aaron Paul tamén se uniu ao filme, co papel de Xosué.[11] Sigourney Weaver, Ben Kingsley e John Turturro tamén conversaron para se unir ao elenco o mesmo día.[12]
A filmación da película comezou en setembro de 2013 en Pinewood Studios (Londres).[13] En outubro o equipo trasladouse a España para rodar os exteriores en Almería e máis tarde, en Fuerteventura (Illas Canarias).
O 8 de xullo de 2014 anunciouse que Alberto Iglesias sería o encargado de realizar a banda sonora do filme.[14] O 9 de xullo saíu á luz o primeiro tráiler de Exodus.[15]
Exodus: Gods and Kings foi estreada o 5 de decembro en España (incluíndo Galiza coa dobraxe castelá) e o 12 de decembro nos Estados Unidos.[16]
As primeiras críticas de Exodus foron desde mixtas a positivas. En Rotten Tomatoes, o filme mantén unha cualificación de 64%, baseada en 11 comentarios, cunha cualificación media de 7.2 / 10.[17] En Metacritic, o filme ten unha puntuación de 61 sobre 100, baseada en 6 críticos, indicando «críticas xeralmente favorábeis».[18]
![]() |
Wikimedia Commons ten máis contidos multimedia na categoría: Exodus: Gods and Kings ![]() |