![]() |
Vexa a entrada do Galizionario acerca de estribor |
Estribor (nome tradicional arca ou asimán) é como se designa o costado dereito dun buque ou nave en sentido lonxitudinal popa/proa mirando á proa. Estribor e babor son expresións e termos náuticos empregados tanto en naves náuticas como aéreas.
Empréganse as palabras específicas babor e estribor en vez de esquerda e dereita para evitar confusións, xa que para cada persoa a dereita e a esquerda serían orientacións subxectivas dependendo do movemento adiante e atrás, mentres que ao referirse ao buque non existe tal confusión, a proa e a popa están sempre na mesma orientación lonxitudinal.
En normativa internacional empregan os buques e aeronaves as cores vermello para babor e verde para estribor para as luces de sinalización cando é de noite.
Unha regra mnemotécnica moi sinxela para lembrar facilmente cal é babor e estribor é lembrar que en terra dise: dereita/esquerda. No mar é ao revés: esquerda/dereita -> babor/estribor.