Castelo de Maside ou de Ferreira | |
---|---|
ben de interese cultural | |
![]() | |
Concello | Pantón |
Provincia | Lugo |
Comunidade autónoma | Galicia |
Coordenadas | 42°30′08″N 7°37′00″O / 42.502172222222, -7.61655Coordenadas: 42°30′08″N 7°37′00″O / 42.502172222222, -7.61655 |
Estilo arquitectónico | |
Estilo orixinal | (Século XI) |
Estilo actual | (Século XIV-Século XIX ) |
Estado actual | Non visitable |
Véxase tamén | |
Castelos de Galicia | |
[ editar datos en Wikidata ] |
O castelo de Maside,[1][2][3] ou castelo de Masid,[4][5][6] ou castelo de Ferreira,[4][7][8] é unha fortificación medieval situada no lugar da Torre na parroquia de Ferreira de Pantón no concello lugués de Pantón, situado na comarca de Terra de Lemos.
Ten a consideración de Ben de Interese Cultural por decreto de 1949,[9] ratificado en normativa posterior.[7][10].
É un exemplo de arquitectura feudal do século XI, restaurado no século XIX por Joaquín Arias Sanjurjo. A fortaleza de Ferreira foi morada do caudillo irmandiño Diego de Lemos, morto en 1492 e soterrado na igrexa do mosteiro de Santa María de Ferreira de Pantón.
Exemplo de arquitectura defensiva medieval cun palacio apoiado e unha torre da homenaxe cadrada e ameada, con portas de entrada e un escudo. Na fachada destaca unha xanela, de estilo plateresco, enmarcada por dúas columnas estriadas exentas apoiadas nun pedestal labrado e coroada por un tímpano semicircular en forma de venera.[4]