Alexandre Dumas

Nacemento	27 de xullo de 1824
	París e former 2nd arrondissement of Paris
Falecemento	27 de novembro de 1895
	Marly-le-Roi
Soterrado	Cemiterio de Montmartre
Nacionalidade	Francia
Alma máter	Lycée Chaptal e Lycée Condorcet
Ocupación	escritor, dramaturgo e dramaturgo
Pai	Alexandre Dumas
Nai	Catherine Laure Labay
Cónxuxe	Nadeja Naryschkine Henriette Régnier
Fillos	Colette Dumas e Jeannine d'Hauterive
Irmáns	Henry Bauër, Marie Alexandrine Dumas e Micaëlla-Clélie-Josepha-Élisabeth Cordier
Xéneros	Novela histórica, novela romántica
Coñecido/a por	A dama das camelias
Premios	comendador da Lexión de Honor, Oficial da Lexión de Honra, Cabaleiro da Lexión de Honra e grande oficial da Lexión de Honor
Na rede




[ editar datos en Wikidata ]
v c e

Alexandre Dumas, nado en París o 27 de xullo de 1824 e finado o 27 de novembro de 1895 en Marly-lle-Roi, foi un novelista e dramaturgo francés.

Traxectoria

Fillo natural de Alexandre Dumas e Marie-Catherine Labay, costureira, foi, como o seu pai, un autor mundialmente recoñecido. En 1831, o seu pai recoñeceuno legalmente e procuroulle a mellor educación posible na institución Goubaux e a academia Bourbon. As leis, por aquela época, permitíronlle a Dumas pai separar o fillo da súa nai e a agonía desta inspirou a Dumas fillo nos seus escritos sobre caracteres femininos e tráxicos. En case toda a súa obra enfatizou o propósito moral da literatura e, na súa novela O fillo natural (1858), expuxo a teoría de que aquel que trae un fillo ilexítimo ao mundo, ten a obrigación moral de lexitimizalo e casar coa muller.

Ademais de soportar o estigma da ilexitimidade, Dumas fillo levaba sangue negro. O seu pai era un cuarterón descendente dun nobre francés e unha negra haitiana. Nos internados escolares, Dumas fillo foi sempre vituperado polos seus compañeiros. Todas estas experiencias determinaron os seus pensamentos, comportamento e escritos. No seu primeiro libro de poemas, Pecados de mocidade (1847) denunciaba, dalgunha forma, a vida disipada que levou na súa mocidade, renegando dela.

En 1844, Dumas trasladouse a Saint-Germain-en-Laye para vivir co seu pai. Alí coñeceu a Marie Duplessis, unha moza cortesá que inspiraría a súa novela romántica A dama das camelias (1848)^[1]. Adaptada como obra teatral, alcanzou tal éxito que animou a Dumas a proseguir coa súa carreira de dramaturgo. Titulouse, en inglés Camille e constituíu a base para a ópera de Verdi, La traviata (1853). Nas súas obras teatrais, cargadas de ensinos morais, denuncia os prexuízos sociais da época e avoga polos dereitos da muller e os nenos.

En 1864, Alexandre Dumas casou con Nadeja Naryschkine, con quen tería unha filla. Tralo falecemento desta, contraeu matrimonio con Henriette Régnier.

No transcurso da súa vida, Dumas escribiu outras doce novelas e varias obras teatrais. En 1867 publicou a súa novela semi-autobiográfica "L'affaire Clemenceau", considerada por moitos como un dos seus mellores traballos literarios.

Foi elixido membro da Academia francesa en 1874 pese á oposición pertinaz de Victor Hugo. En 1894 concedéuselle a Lexión de Honor.

Foi enterrado no cemiterio de Montmartre, en París.