A Association Sportive de Monaco Football Club, coñecido como AS Mónaco, é un club de fútbol de Mónaco. Foi fundado en 1919 e compite na Ligue 1. Na tempada 2010–11 descendeu á Ligue 2, volvendo ascender na 2012−13.
O AS Mónaco nace en 1919 grazas á fusión de varios equipos polideportivos da cidade: Swimming Club, Monaco Sports, A.S. Beausoleil, Etoile de Monaco e Riviera A.C. Aínda que o equipo é de Mónaco permitíuselle xogar na liga francesa de fútbol.
En 1948 o equipo vólvese profesional. En 1960 o equipo gaña o seu primeiro título, a Copa de Francia, e na tempada seguinte conquista a súa primeira Liga.
O Stade Louis II é un estadio multipropósito, pero principalmente destinado á práctica do fútbol, situado no Principado de Mónaco. Serve de sede habitual ao AS Mónaco. O seu enderezo é 7, Avenue des Catelans, 98000 Mónaco.[1]