Vitaliy Manjul — anılmış gagauz rêperı hem pek talantlı resimcisi.
Vitaliy Manjul duudu Komratta 1971-ci yılda, iyün ayın 23-dä. Ayledä, ondan kaarä, vardı taa iki uşak: kızkardaşı – Marina hem kardaşı – Vasi. Vitaliy en büüyü. Anası — Anna İvanovna gagauzkaydı, büünkü gündä raametli.
Bobasında, Anatoliy Nikolaeviçtä, çok karışık kan var moldovan, rus, çıfıt, ama çok yıllar gagauzların arasında yaşadı da artık kendisi da gagauz oldu. Vardı Vitaliyin ana tarafından Vani dädusu hem Saşa babusu da. Onnar Vitaliyin yaşamasında, onun insan olmasında en büük rolü oynadılar.