Mihail Daradur — Komrat Devlet Universitetin (KDU) rektoru.
Mihail İvanoviç Daradur duudu 1960-cı yılda fevral ayın 10-da Gagauziyanın Valkaneş rayonun Çöşmäküüyündä. 1977-ci yılda, orta şkolayı başarıp, Tiraspol Pedagogika İnstitutuna, geografiya hem biologiya zanaatını üürenmä deyni girdi.
Pedagogika İnstitutunu başarıp, kendi askerliini yapıp, 1984-cü yıldan beeri Moldova Bilim Akademiyasının Geografiya İnstitutunda işledi. İnjenerdan başlayıp (1984-1987 y.y.), ilktän “alt bilim zaametçisi” (1987-1991 y.y.), sora “bilim zaametçisi” (1991-1995 y.y.), sora da “meteorologiya hem klimatologiya prepodavateli” (1996-1997) oldu. Hep burada 1995-2001-ci yıllarda “üst bilim zaametçisi”, 2001-2004 yıllarında da “baş bilim zaametçisi” olarak çalıştı,
1993-cü yılda, Moskvada, Mihail İvanoviç Daradur korudu geografiya bilgilerindä bilim doktorluk disertaşiyasını. 2003-cü yılda geografiya bilgilerindä doktor habilitat oldu. 2004-2006 yıllarında Moldova Respublikasının Devlet Gidrometeorologiya İzmetleri direktorunun baş yardımcısı olarak, Bilim-metodika Merkezin öndercisiydi. 2004-2007-ci yıllarda devletlär arası hem halklararası çeşitli proektlara ekspert oldu.
Geografiya, agrometeorologiya, klimat diişikliklerindä 100-dän zeedä bilim çalışmaları var. Bunnarın içindä 3 monografiya, üüredicilik hem geografiya atlasları hem kartaları. Meteorologiya hem klimat uurunda tanınmış bilim adamı olarak, dünneydä olan halklararası kuruluşların Sessiyalara, simpoziumnara hem konferenţiyalara katıldı. Kendi çalışmaları için 1995-ci yılda Evropa]]nın en eski Universitetlerindän birisi olarak İyangelon Universiteti (Polşa, Krakov) tarafından özel premiya hem grant kabletti.
2004-cü yılda Moldova Respublikasının Bilim Akademiyası Canabisinä kendi Diplomasını verdi. Evli. Dört uşak bobası.