Ynternasjonaal Filmfestival fan Palm Springs | ||
plak en tiid | ||
lân | ![]() | |
steat | ![]() | |
county | ![]() | |
plak | ![]() | |
tiid fan it jier | jannewaris | |
bysûnderheden | ||
ôfkoarting | PSIFF | |
soarte evenemint | filmfestival | |
bestean | 1989 – no | |
org. troch | PSIFS | |
offisjele webside | ||
www.psfilmfest.org |
It Ynternasjonaal Filmfestival fan Palm Springs (Ingelsk: Palm Springs International Film Festival), soms ôfkoarte ta PSIFF, is in filmfestival dat elts jier yn jannewaris holden wurdt yn 'e stêd Palm Springs, yn 'e Amerikaanske steat Kalifornje. De earste edysje fan it evenemint waard organisearre yn 1989. It Ynternasjonaal Filmfestival fan Palm Springs leit him benammen ta op it ûnder de oandacht bringen fan útlânske films by it Amerikaanske publyk. Der komme elts jier sa'n 135.000 besikers op it filmfestival ôf, wêrfan't 70% bestiet út lju dy't net yn Palm Springs en omkriten wenje.
It Ynternasjonaal Filmfestival fan Palm Springs waard foar it earst holden yn 1989. It waard oarspronklik promoate troch Sonny Bono, dy't doe boargemaster fan Palm Springs wie. Letter gie it festival in sponsorskipsrelaasje oan mei it tillekommunikaasjebedriuw Nortel.
De organisaasje fan it Ynternasjonaal Filmfestival fan Palm Springs is yn 'e hannen fan 'e Palm Springs International Film Society (PSIFS), in selskip fan leafhawwers fan bûtenlânske films. Dyselde feriening organisearret elt jier yn juny ek it Ynternasjonaal Festival foar Koarte Films fan Palm Springs (ek bekend as ShortFest).
De films dy't op it Ynternasjonaal Filmfestival fan Palm Springs toand wurde, binne benammen bûtenlânske films (d.w.s. fan bûten de Feriene Steaten). Foar it meastepart binne dy net-Ingelsktalich. In lyts diel fan it filmoanbod bestiet lykwols út Amerikaanske ûnôfhinklike films. It Ynternasjonaal Filmfestival fan Palm Springs is opmerklik mei't it faak it meastepart fan 'e ynstjoerings sjen lit dy't meitingje nei de útrikking fan 'e Oscar foar Bêste Bûtenlânske Film, letter yn it jier.
De prizen dy't op it Ynternasjonaal Filmfestival fan Palm Springs útrikt wurde, kinne ûnderferdield wurde yn 'e galaprizen en de festivalprizen.
Boarnen, noaten en/as referinsjes: |
Foar boarnen en oare literatuer, sjoch ûnder: References, op dizze side. |