Tekst üüb Öömrang |
Di Upstalsboom wiar uun't madelääler en tingsteed naibi Auerk.
Fresk fertreedern haa jo diar uun't 13. an 14. juarhunert fersaamelt, arke teisdai efter Pingster. A fertreedern kaam faan a Sööwen Fresk Sialunen tuup, am rochtsfraagen tu bedialen. Uun't juar 1883 as üüb detdiar steed en monument apracht wurden. An sant 2004 jaft at weder arke juar en Upstalsboomfersaamlang, det woort faan't Fresk Forum üüb a bian steld. Uun't juar 2005 hää a Fresk Riad diar sin 50-juarag bestunen feiert.