![]() |
Des Techting ken uk süngen uur.
Wiis: "Müde bin ich, geh' zur Ruh'"
Somernacht
Hoog om Hemel, Stiar bi Stiar,
En di Fulmuun staant üp Wacht.
Aur di See liit Ruu en Freer;
Lēcht en klaar es Somernacht.
Döör di Dünem strekt di Winj
Linj en luuwen üt Süđweest,
Taatjet Halm en Gērs en Sön;
Fügelki set stel üp Nēst.
Luki üt, sa fiir Dü kenst:
Sölwer liit üp Strön' en Stroom;
Diip ön Kiming silt en Skep:
"Lekelk Faart, ön Gotes Noom."
"Lekelk Rais! - Ik maat noch weet,
Hurfan kumt et? Hur giar't hen?
Kumt et wel üt Is en Sne?
Stjüürt et tö en wār'mer Sen?"
Fraagi ek, Dü fairst niin Swaar,
Aur di See giar manig Wai. --
Gung nü tüs, dü heest tö dön!
Miaren kumt en üđer Dai.
Miaren kumt en üđer Dai.
Hoog di Sen, di Hemel blö.--
Dö Din Plicht me Iarnst en Fliit!
Liiv mi, Seegen falt Di tö.