![]() |
Nai-iirseene
Wupn, wupn, wupn – –
Nü hiir duch smuk, latj mam!
Wupn, wupn, wupn – –
Di rumelput låpt am.
Wiist nuch, as we suk moote wjarn,
Deer stöön we uk bai bötjers jarn
Än süngen wälj sü kral än flut
Dåt stuk tu üüsen rumelput:
Wupn, wupn, wupn – –
– – „en schap ma moien win“,
Wupn, wupn, wupn – –
– – „di rumelput wal in.“
As mååst, as wan't änjörsne wus.
Ik wälj, ik wus sü'n latjen bus
Än mååget nuch suk spaalerai,
Ouers dåt as nü forbai, forbai.
E tid låpt as en woinefiilj,
Än iijn, tou, trii san we heer üülj.
We wan't sü naame, as et kamt,
Wan't mån en gouen iinje namt.
Hiirst, hü dåt jungföljk fröilik schungt:
Wupn, wupn, wupn – –
Dåt üülj iir, dåt fergungt.
üt: Beerid, Hüsem 1956