![]() |
Dön Papuaans Spriiken san muar spriikfamiljin an isoliaret spriiken, wat uun Nei-Guinea an üüb enkelt eilunen, wat trinjenam Nei-Guinea (Salomoonen, Halmahera an Timor) lei, spreegen wurd. At jaft 800 spriiken uun detheer skööl mä amanbi 4 miljuunen spreegern.
Dön gratst spriiken uun detheer skööl san: Waast-Dani (uun 1993, 180.000 spreegern) an Ekari (uun 1985, 100.000 spreegern) uun dön waasthuuchlunen faan Nei-Guinea uun Indoneesien, an Enga (uun 2000, 230.000 spreegern), Huli (uun 2011, 150.000 spreegern), an Melpa (uun 1991, 130.000 spreegern) uun dön uasthuuchlunen faan Papua-Nei-Guinea. Tu a waast faan Nei-Guinea, san dön gratst spriiken Makasae uun Uasttimor (uun 2010, 100.000 spreegern) an Galela uun Halmahera (uun 1990, 80.000 spreegern). Tu a uast, wurd Terei (uun 2003, 27.000 spreegern) an Naasioi (uun 2007, 20.000 spreegern) üüb Bougainville Eilun spreegen.