![]() |
A Nentsen (aanj nööm nentsisk ненэй ненэче nenəj nenəče, rüsk ненцы; iar uk: Samojeden) san en fulk uun Nuurdruslun. Diar tääl wel son 41.000 minsken tu.
A miast Nentsen lewe uun a Autonoom Kreis faan a Nentsen an a Autonoom Kreis faan a Jamal-Nentsen. Jo snaake Nentsisk. An do as diar noch en skööl faan amanbi 1.500 Nentsen uun a Autonoom Kreis faan a Chanten an Mansen.
Di nööm Nentsen (rüsk ненцы) ment uun hör aanj spriak minsk (ненэй ненэче nenəj nenəče).
Di ual ütjdruk Samojeden kaam faan en rüsk wurd Самоядь of Самодь (samojad of samod) uf an woort daalang ei muar so brükt. A wurddialen samo an jed men soföl üs salew an iidj.
Daalang woort di ütjdruk Samojedisk fulken oober noch brükt üs saamelnööm för aal a fulken uun Nuurdruslun. Sodenang san a Nentsen ian faan a Samojedisk fulken.