![]() |
At Electoral College as en fersaamlang faan 538 woolmaaner an -wüfen, diar arke sjuard juar tuupkem, an di president faan Ameerikoo weele. Arke bundesstoot, an sant 1961 uk Washington, D.C. sjüürt en was taal faan woollidj tu detdiar fersaamlang. Detdiar taal racht ham efter det taal faan senatooren an representanten, diar en stoot uun a congress (at regiarang) tustun. Stooten mä muar iinwenern haa uk muar woollidj, an det taal woort uk leewen weder uunpaaset. Üüb det koord rochts as tu sen, hük stooten tesken 2012 an 2020 woollidj diartufüngen haa (blä), of huar det taal kört wurden as (güül).
Uun a miast stooten täält di grünjsats winner takes all, det ment di kandidaat mä't muarhaid uun di stoot want aal a woollidj-stemen faan di stoot. Diarbi komt at flooksis föör, dat di ään kandidaat auer't hialer lun muar weeler-stemen üs di ööder kandidaat füngen hää (poular vote), oober ei det muarhaid faan a woolmaaner an -wüfen (electoral vote). Diaram san a kandidaaten diar böös efter uun, uun stooten, huar't leewen knaap ütjgongt (swing states) at muarhaid tu fun.