![]() |
At Eedomshiird wiar bit 1634 en hiird uun Nuurdfresklun. Hat lai amanbi tesken Pelwerem an Nuurdstrun. Uun't Burchardiflud 1634 ging hat oner. Man al uun't Marcellusflud 1362 san grat dialen auerspeeld wurden.
At hoodsteed faan't Eedomshiird wiar Rungholt, diar al 1362 onergingen as. Flook sarkspalen küd ei häälen wurd an san apjiwen wurden: Brunock, Hersbüll, Evensbüll, Trindermarsch, Gaikebüll, Stintebüll, Irgrof an Buphever. Efter 1634 wiar diar bluas noch Odenbüll auer, hat leit daalang mä sin St. Vinzenz sark üüb Nuurdstrun. An 1642 as det ferwaltangsianhaid Eedomshiird apliaset wurden.
Troch at weesen Eedomshiird ferlääpt daalang en 12 meeter jipen priil, at Nuurderheewer.