![]() |
At Christian-Albrechts-Uniwersiteet, ufkört CAU, latinisiaret Christiana Albertina uun Kiel as at äälst an gratst uniwersiteet uun Schleswig-Holstian. Hat as 1665 grünjlaanj wurden an efter hertooch Christian Albrecht näämd wurden. Diar studiare amanbi 28.000 studenten bi gud 400 profesooren (Stant: 2021).
Twaalew wedenskaplidj faan a CAU haa en Nobelpris wonen: Theodor Mommsen (1902), Philipp Lenard (1905), Eduard Buchner (1907), Max Planck (1918), Otto Meyerhof (1922), Gerhard Domagk (1939), Walter Rudolf Hess (1949], Otto Diels (1950), Kurt Alder (1950), Wassily Leontief (1973), Wolfgang Paul (1989), Günter Blobel (1999).
Bi't CAU jaft at knaap 200 stuudiengunger uun aacht fakulteeten.
Tu jodiar fakulteeten hiar weder en hialer rä instituuten an iinrachtangen, diar jo mä enkelt teemos befaade. Ian diarfaan as det Nuurdfresk Wurdenbuksteed uun't Filosoofisk Fakulteet, diar ham mä't fresk spriak befaadet.