Qutub Minar
ध्रुव स्तम्भ
Qutb complex
Irudi gehiago
Kokapena
Herrialdea	India
Batasuneko Lurraldeak	National Capital Territory of Delhi
Megacity	Delhi
Koordenatuak	28°31′28″N 77°11′07″E / 28.52435°N 77.18525°E / 28.52435; 77.18525
Historia eta erabilera
Eraikuntza	1192 - 1198
Tximistargia	1326
Tximistargia	1368
Increase	1503
Izenaren jatorria	Qutb-ud-din Aibak (en)
Arkitektura
Materiala(k)	red sandstone (en)
Estiloa	Islamiar arkitektura
Dimentsioak	72,5 () m
Gizateriaren ondarea
Irizpidea	(iv)
Eskualdea[I]	Asia eta Ozeania
Izen-ematea	1993 (XVII. bilkura)
Webgune ofiziala
↑ UNESCOk egindako sailkapenaren arabera

Qutub Minar (batzuetan Qutb Minar) munduko adreiluzko minarete altuena da. Delhiko monumentu islamdarrik zaharrena ere bada.

Historia

Delhiko lehenengo errege musulmana izan zen Qutb-ud-din Aibak-ek hasi zuen eraikuntza 1193an. Afganistanen dagoen Jamgo minaretearen antzekoa izatea nahi zuen, baina oinarria egitea baino ez zuen lortu. Bere ondorengoa zen Shamsu'd-Din IItutmish-ek hiru solairu gehitu zizkion. Minaretea Firuz Shah Tughluq-ek bukatu zuen 1368an.

Egitura

Hareharri gorriz eginiko dorrea da, eta tailaturiko Koranaren berset eta irudi ederrak ditu. 72'5 metrotako altuera dauka eta diametro zabala, oinarrian 14'3 metrotakoa eta puntan 2'7 metrotakoa. Sei solairu ditu eta solairu bakoitzaren bukaeran balkoia dago perimetro osoan.

Qutub Minar konplexua

Qutub Minarren konplexuan aipatzeko beste elementu batzuk ere badaude:

• Quwwat-ul-Islam meskita: 1198an altxatu zuten. Delhiko sultanerrian eraikitako lehenengo meskita da. Qutub Minar bere minaretea izango zen, baina askoren ustetan defentsa dorrea edo garaipenen baten omenez sorturiko dorrea izan zitekeen.
• Burdinezko zutabea: 7 metroko altuera duen zutabea da. Oso zaharra da, IV. mendean Chandragupta Vikramaditya erregeak jarri zuela uste baita. Udako solstizioan zutabearen itzala Vishnuren irudiaren norabidean dago, horregatik uste da Vishnu jainkoaren omenez eraikia izan zela. Tradizioak dioenez besoekin zutabea inguratzen duenari eskatutako desioa beteko zaio.
• Iltutmish-en hilobia.
• Imam Zamin-en hilobia.
• Alauddin Khilji-ren madrasa eta hilobia.

Kanpo estekak

	Gizateriaren Ondarea Indian
Kulturala Agrako Gotorlekua (1983) • Ajanta (1983) • Ellora (1983) • Taj Mahal (1983) • Mahabalipuram (1984) • Sûrya tenplua (Konârak) (1984) • Goako elizak eta komentuak (1986) • Hampi (1986) • Khajuraho (1986) • Fatehpur Sikri (1986) • Pattadakal (1987) • Elephanta leizeak (1987) • Chola tenplu handi bizidunak (1987) • Sanchi (1989) • Qutub Minar (1993) • Humayunen hilobia, Delhi (1993) • Mendiko burdin bideak (1999) • Mahabodhi tenplua (2002) • Bhimbetkako haizpeko babesa (2003) • Chhatrapati Shivaji geltokia (lehen Victoria Station) (2004) • Champaner-Pavagadh arkeologia parkea (2004) • Gotorleku Gorria (2007) • Yantra Mandir (2010) Naturala Kaziranga natura parkea (1985) • Keoladeonatura parkea (1985) • Manas natura parkea (1985) • Sundarbans natura parkea (1987) • Nanda Devi eta Loreen haran natura parkeak (1988) • Mendebaldeko Ghat mendiak (2012)