Giovani Edgar Arana (La Paz, 1974ko maiatzaren 23a) boliviar elizgizona da. 2018an El Altoko apezpiku laguntzaile bihurtu zen eta 2021ean elizbarruti bereko ordinario.
Bizitza
La Pazeko San Jeronimo apaizgaitegian filosofia eta teologia ikasi zuen. 2004ko abenduaren 8an apaiztu zen. 2009ko ekainaren 5ean Apaiz Prestakuntzako Diploma lortu zuen Erromako Eliz Unibertsitate Gregorianoan[1].
Apaiz gisa honako ministerio hauek bete zituen:
- La Pazeko Nazareteko Familiaren elizako bikarioa (2005etik 2006ra).
- La Pazeko San Jeronimo apaizgaitegiko formatzailea (2007tik 2008ra).
- Erromako Eliz Unibertsitate Gregorianoko ikaslea (2009).
- La Pazeko Kandelariako Andre Mariaren parrokiako administratzailea (2010etik 2015era).
- Schönstatt mugimenduko zuzendaria (2010etik 2013ra).
- La Pazeko San Jeronimo apaizgaitegiko errektoreordea (2014tik 2015era).
- Boliviako apezpiku-konferentziako idazkariordea (2013tik 2015era).
- La Pazeko San Jeronimo apaizgaitegiko errektorea (2016tik 2018ra)[1].
2018ko martxoaren 27an, Frantzisko aita santuak El Altoko apezpiku laguntzaile eta Muteciko apezpiku titular izendatu zuen[1]. Urte bereko uztailaren 25ean apezpiku ordenatu zuten La Pazeko Kandelariako Andre Mariaren katedralean[2].
2020ko uztailaren 15ean, Eugenio Scarpellini apezpikua COVID-19ren ondorioz hil zenean, Giovani Edgar Arana apezpiku laguntzailea El Altoko administratzaile apostoliko izendatu zuten[3]. 2021eko martxoaren 30ean, Frantzisko aita santuak El Altoko apezpiku ordinario izendatu zuen[4].
