Estadioa eraikin publiko bat da, talde-kirolak, atletismo-probak, etab. gauzatzeko beharrezkoak diren instalazioak dituena, baita ikusleentzako harmailak edota tribunak ere.
Munduan ezagutzen den estadiorik zaharrena Olinpiakoa da, Greziako Peloponeso mendebaldean, non antzinako Olinpiar Jokoak ospatu ziren. K.a. 776. urtekoa dela uste da, eta hasieran proba bakarrerako eraiki zen atletismo probak egiteko. Gutxi gorabehera 190 metro edo 210 metroko luzera zuen eraikin hark.
Erroma eta Grezia izan ziren estadioen nozioa sortu zuten mendebaldeko zibilizazio nagusiak, eta antzinateko munduko estadiorik handiena eraiki Erromako Koliseoa izan zen (anfiteatro bat izatez), 100.000 ikuslerentzako edukiera izan zuena.
Estadio modernoak 19. mendetik aurrera kirolaren hedapenarekin hasi ziren eraikitzen. Euskal Herriaren kasuan, Lehen Mundu Gerraren ondorenean, futbolaren hedapena gertatu zen Espainian eta horrek ekarri zituen estadioen eraikuntza Hego Euskal Herrira.[1]