Blarney harria (ingelesez Blarney Stone eta irlanderaz Cloch na Blarnan), modu herrikoian Etorriaren harria ezizenez ezagutua, Irlandako hego-mendebaldeko Cork konderrian dagoen Blarneyko gazteluan kokatzen den harri urdin bloke bat da. Gaztelu hau Cork hiritik 8 bat kilometrotara dago.
Kondairaren arabera, harri hau musukatzen duen edozeinek etorriaren dohaina bereganatu ohi du. Harria, berez, 1446an gazteluaren Ohorezko Dorrean ezarri zen. Bestalde, kondaira honek berak dioenez Scone harriaren zati izan zen.