Strategio estas plano laŭ kiu aganto realigas unuopajn paŝojn por atingi (pli ampleksan kaj foran) celon. Krome oni uzas la nocion por la arto ellabori kaj realigi tian planon.
Strategio estas la ĝenerala plano por atingi gravan celon - taktiko difinas la vojon kaj la rimedojn por atingi interan celojn.
Strategio povas difini la ĝeneralan modelon de la agado. La koncerna plano povas konkretigi ĝeneralan vizion aŭ mision en la ekonomio, la atingon de plimulto aŭ de la potenco en politiko aŭ (tradicie) militan celon. Strategio traktas mezan ĝis longan tempoperspektivon.
Per taktiko oni en militoj difinas la gvidadon de la trupoj en batalo. En politiko kaj ekonomio per taktiko oni priskribas agadojn, per kiuj oni provas atingi celojn de mallonga aŭ meza tempoperspektivo.