La nacia flago de Barato, ankaŭ konata kiel tiranga (तिरंगा en hinda) kio signifas trikolora, konsistas el tri samlarĝaj horizontalaj strioj, kun la oranĝkoloro supre, blanko centre kaj verdo malsupre.
En la centro ĝi havas 24-pintan marbluan radon, konata kiel aŝoka ĉakrá, prenita de kolona kapitelo de la historia imperiestro Aŝoko. La flago ankaŭ estas la standardo de la barata armeo. La flago estis adoptita en sia nuna formo dum kunveno de la Konstitucia Asembleo la 22-an de julio 1947, kelkajn tagojn antaŭ la sendependiĝo disde Britio la 15-an de aŭgusto.
|