Marja Elikowska-Winklerowa, teke: Marija Elikowska-Winklerowa[1], Maria Elikowska-Winklerowa[2], Maria Elikowski-Winklerowa[3] (roź. 12. maja 1951 w Poznanju[4]) jo wucabnica, kulturna procowaŕka, dłujkolětna wjednica w lěśe 1992 załožoneje Šule za dolnoserbsku rěc a kulturu a cłonk Dolnoserbskeje rěcneje komisije. W lětach 1994-2009 jo wóna była cłonk Rady za nastupnosći Serbow[5]. Wóna jo roźona Pólka.
Wót februara 2017 jo wóna na wuměńku. W 2019 wóna jo dostała myto Ćišinskego za jeje dłujkolětne a njewomucne statkowanje za zdźaržanje a dalejdawanje dolnoserbskeje rěcy we wšyknych generacijach a za jeje wobstawne pódpěrowanje serbskich kulturnych a trajnych projektow w Dolnej Łužycy[6]. W 2021 jo wóna teke dostała myto Domowiny za cesnoamtske statkowanje ze wšoserbskim wuznamom[7]