Ingrid Naglowa, teke: Ingrida Nagelowa[1], nim. Ingrid Nagel (roź. Wěrik[2] 26. januara 1939[3]) jo dolnoserbska spiwaŕka, ceptaŕka, rozgłosowa redaktorka a spisowaśelka, awtorka wulicowańkow a zestajaŕka antologijow dolnoserbskeje literatury. Wóna jo była cłonk serbskeje kupki Judahej.
Ingrid Nagelowa jo źowka serbskego ludowego wuměłca, Wylema Wěrika. Druga źowka Wylema Wěrika a sotša Ingrid Nageloweje jo Roža Šenkarjowa[4].