Helmut Faska, nim. Helmut Faßke (roź. 8. apryla 1932 we Wuježku; † 15. januara 2024 we Wórjejcach) jo był serbski slawist (sorabist), rěcywědnik, kenž jo se głownie z górnoserbšćinu zaběrał. Cłonk górnoserbskeje rěcneje komisije a wót 1969 jeje pśedsedaŕ. Wón jo był sobuawtor Serbskego rěcnego atlasa, wjelikeje górnoserbskeje gramatiki (morfologija) a młogich drugich wědomnostnych tekstow, górnoserbskeje rěcywěźe póśconych. W 1984 wón jo dostał myto Ćišinskego.