Stad | Rouantelezh-Unanet ![]() |
---|---|
E tiriad | Kontelezh Gwynedd ![]() |
En un takad gwarezet | Park Broadel Eryri ![]() |
Kontelezh istorel | Sir Feirionnydd ![]() |
Daveennoù douaroniel | 52°53′0″N 3°38′0″W ![]() |
Adstêrioù | Dyfrdwy ![]() |
Diskarg al lenn | Dyfrdwy ![]() |
Bro an diazad | Kembre ![]() |
Statud gladel | Site of Special Scientific Interest ![]() |
Oberataer | Natural Resources Wales ![]() |
Deskrivet dre | A group of children on the shores of Llyn Tegid, Llyn Tegid, Llyn Tegid with the Mount of Olives ![]() |
Llyn Tegid e kembraeg, Bala Lake e saozneg, zo ul lenn e Gwynedd, e Kembre.
E gwele ur skorneg emañ Llyn Tegid, war red ar stêr Afon Dyfrdwy etre kêrioù Llanuwchllyn en argrec'h er mervent hag Y Bala en ardraoñ er biz.
En e levr Itinerarium Cambriae, an istorour kembreat Giraldus Cambrensis (~1146-~1223) a veneg al lenn dindan an anv Penmelesmere.[1]. En e droidigezh eus al levr e 1804 e skriv Sir Richard Colt Hoare (1758-1838) un anv arall, "Pymplwy meer", diwar ar c'hembraeg pum plwyf, "pemp parrez", eleze Llandderfel, Llanfawr, Llangywer, Llanuwchllyn ha Llanycil.[2] ; an anvioù "Pimble-mere" ha "Pemble Mere" a lenner ivez[3],[4]
Kentañ gwezh ma kaver an anv "Llyn Tegid" eo e Cronica Walliae er bloaz 1568.[5] Ar skrivagner beajer Bro-Saoz George Borrow (1803-1881) a droas an anv dre "Lenn Genedus", "Tegid" o tont eus teg "kenedus", a gomzer eus ul lec'h).
"Bala Lake" eo anv al lenn e saozneg, abalamour m'emañ Y Bala er penn anezhi. Hogen dre ma talv bala kement hag "ezkerzh ul lenn"[6], alese anv Y Bala, ne c'hall ket bout anv al lenn hec'h-unan ; tabut zo a-zivout an anv saoznek o kemer lec'h an hini kembraek[7]