Pseudoryx nghetinhensis |
|
Навуковая класіфікацыя |
---|
прамежныя рангі
Від: | Pseudoryx nghetinhensis |
|
Міжнародная навуковая назва |
---|
Pseudoryx nghetinhensis
|
|
Pseudoryx nghetinhensis — від парнакапытных млекакормячых сямейства пустарогія (Bovidae). Жыве ў В’етнаме. Упершыню від быў апісаны ў 1993 годзе. Ён быў знойдзены на невялікай тэрыторыі запаведніка Ву-Куан ў Анамскіх гарах. Родавая назва паказвае на падабенства з родам Oryx, а відавая — на назву былой правінцыі Нгецінь. Колькасць гэтай антылопы не перавышае 200 асобін.
Апісанне
Вышыня ў карку складае 80-90 см, цела даўжынёй 1,5-2 м, хвост 13 см, а вага прыкладна 100 кг; рогі даўжынёй ад 32 да 52 см. Верхняя частка цела ярка-карычневая з яркімі белымі плямамі на мордзе, падбародку і горле, белай або жоўтай паласой над і пад кожным вокам, чорным «рамянём» уздоўж пазваночніка і белай паласой па баках, якая аддзяляе карычневую спіну ад чорных ног з белымі «шкарпэткамі».
Спосаб жыцця
Жыве ў першасных дажджавых лясах. Жыве групамі па 2-3 асобіны. В’етнамскі ўрад узяў від пад ахову і пашырыў плошчу запаведніка Ву-Куанг з 16 000 да 60 000 га. На аснове папярэдніх даследаванняў ДНК від аднеслі да падсямейства Bovinae.