Sokrates (oidgriach.: Σωκράτης, Sōkrátēs * 469 v. Kr.; † 399 v. Kr.) woar in da griachischn Antike a Philosoph, dea wo fias omdländische Denkn a grundlegenda Bedeitung dalangd hod.
Ea hod a philosophische Methode vo an strukturiadn Dialog entwicket, wo a Mäeutik („Hebammenkunst“) gnennt hod. De Kunst vo da sokratischn Gesprächsfiarung und de philosophn Inhoide dazua san nua indirekt iwaliafat, wei da Sokrates nix Schriftlichs hintalossn hod. Mearane vo seine Schuila hom sokratische Dialoge vafossd und seine Weisheiten so weidagebm. Da berihmtasde vo dena is da Platon.
A jeda kennt in Spruch "I woass, dass i nix woass", der vom Sokrates sei soid.[1] Damid wü a sogn, dass a mea woass ois di, di glaubm, dass ois wissn, in Woaheit owa nix wissn.
Wegn Vafiarung vo da Jugend und wegn Missochtung vo de griachischn Gedda is da Sokrates zum Doud duach an Schialingsbecha vaurteit woarn. Sei unbeigsame Oart im Prozess und sei entspannte Eistejung gegniwa im Tod, hod zu seim legendärn Ruaf vui beidrong. Ea hod bis zu seine letztn Stund mid seine Freind mit heitara Ruah und groussa Glossnheid iwa philosophische Theman gredt.
Spruch: Sokrates – Zitat af Boarisch |
Literatur von und über Sokrates im Katalog der Deutschen Nationalbibliothek