Im Joa 2012 hod Frankenmuth 4944 Eihwohna ghobt. De Stod liegt im Frankenmuth Township, is oba politisch sejbstständig. S "Bronner's Christmas Wonderland", des vo si sejm behaptet s gresste Weihnachtsgschäft vo da Wejd z sei, liegt in Frankenmuth. Im Voiksmund hoasst de Stod "The Muth" oda "Little Bavaria" (Kloa-Bayern).

Gschicht

De Region is im Joa 1845 vo Immigrantn aus Frankn bsiedlt worn; de moastn san Roßtaler gwen. So is da Nam entstandn. A s "Muth" kimmt vom boarischn Muat. De Umgebung is emfois vo Frankn bsiedld worn, des ko ma no heit an de Ortsnama dakenna: Frankenlust, Frankentrost und Frankenhilf.

Vui Auswandandara worn koservative Lutheraner. Heit is de lutherische Gmoa Mitglied in da "Lutheran Church - Missouri Synod".

Eadkund

De Stod dastreckt si af oan Gebiet vo 7,2 km², wovo 7,1 km² Landflächn und 0,1 km² Wossa san. Durch de Stod rinnt da Cass River.

Bevejkarung

In Frankenmuth lem 4.944 Menschn in 2.123 Haushoitn. Es gibt 1.322 Familien. Die Bevejkarungsdichtn betrogt 684,2 Einwohna pro km².

Städtpartnaschoftn

Gunzenhausn (Bayern)
De Lutherische Gmoan Frankenmuth untahoit freindschoftliche Bande aa zua St. Nikolaigmoa Neuendettelsau.

Wirtschafd

De Stod lebt in easchta Linie vum Tourismus. Frankenmuth hod jeds Joa uma drei Milliona Bsuacha, de de boarischn Gschäft und Gostwirtschadn segn woin. Am bekanntestn is s Bronner's Christmas Wonderland und de Restaurants Zehnder's und Bavarian Inn. Außadem ziagt Frankenmuth Touristn durch seine Voiksfest o.

Architektua

De moastn Haisln san af fränkische Oat baut. De Straßn san wia in Bayern beschuidat. A bsundare Kuriosität is de "Stille-Nacht-Kapejn", de a orignaltreie Kopie von da gleichnamign Kapejn aus Oberndorf ba Soizburg hod.

Schau aa

Leavenworth

Im Netz

Kategoariner