Gerardus Joseph "Joop" Zoetemelk (3 d'avientu de 1946, Rijpwetering (en) 
),[4] moteyáu L'holandés del Tour de Francia, foi ciclista profesional ente los años 1970 y 1987, mientres los cualos consiguió 214 victories.
Antes de dar el saltu a la profesionalidá, Zoetemelk ganó la medaya d'oru nos Xuegos Olímpicos de Méxicu 1968 na prueba de 100 km contrarreló por equipos, na prueba de fondu en carretera.[4] La so carrera viose amenazada en 1974 por causa de una quiebra de craniu sufierta nuna cayida. Amás, nel so últimu añu como amateur ganó'l prestixosu Tour de l'Avenir y el Circuit des Mines.
La so carrera deportiva, que s'empecipió sol reináu d'Eddy Merckx, duró más de 20 años y enllargóse hasta'l final del exercíu por Bernard Hinault.
Mientres los sos 18 años de profesional, Zoetemelk ganó una buena riestra de carreres, incluyendo'l Tour de Francia 1980 y la Vuelta a España 1979,[5] a pesar de coincidir con dos leyendes del ciclismu, Eddy Merckx y Bernard Hinault. Siempres rindió de forma escelente nel Tour, algamando'l segundu puestu en 6 ocasiones, y terminando la carrera en 16 ocasiones, récor que perduró hasta 2012 cuando'l ciclista d'Estaos Xuníos George Hincapie llegó a 17 participaciones.
En 1985, convirtióse nel corredor más veteranu en ganar el Campeonatu del Mundu de ciclismu, con 38 años y 9 meses.
