Corniana | |
---|---|
Alministración | |
País | España |
Autonomía | Principáu d'Asturies |
Provincia | provincia d'Asturies |
Conceyu | Salas |
Partíu xudicial | Grau |
Tipu d'entidá | parroquia d'Asturies |
Nome oficial |
Cornellana (es) Curniana (ast) |
Códigu postal |
33850 |
Xeografía | |
Coordenaes | 43°24′39″N 6°09′39″W / 43.41094°N 6.16079°O |
Superficie | 10.43 km² |
Altitú | 54 m[1] |
Llenda con | San Esteban, Santolín, Doriga, Llaniu, Cermoñu, Villazón, Courias y San Damías |
Demografía | |
Población | 706 hab. (2021) |
Porcentaxe |
14.69% de Salas 0.07% de provincia d'Asturies 0.07% de Principáu d'Asturies 0% de España |
Densidá | 67,69 hab/km² |
Más información | |
Estaya horaria | UTC+01:00 |
Corniana[2] o Curniana[3] ye un llugar y una parroquia del conceyu asturianu de Salas. La parroquia tien una superificie de 10,43 km²[3] y una población de 706 hab. (2021)[4].
Con un orixe inciertu, suxurióse que'l nome provién d'una deformación del nome d'un asentamientu tardorromano, o de l'alta edá media, que toma'l nome del so dueñu Cornelio. Asina de Villa Cornelia llegar a Corniana.[5]
Asitiada nel valle de la confluencia de los ricos ríos Narcea y Nonaya la so altitú mínima la marca'l mesmu Narcea con 38 metros nes sos veres, y el puntu mas alto l'Altu de Santueña, de 478 metros, siendo l'altitú del llugar de Corniana de 54 metros. Tien una estensión de 10,43 km². Ta asitiada a 10 km de la capital del conceyu, Salas, y a 30 de la capital de la comunidá, Uviéu.[6]
Nᵘ | Nome
|
Población | % población Corniana (parroquia)
|
---|---|---|---|
1 | Candalunegru
|
n/d
| |
2 | Carbayal
|
n/d | |
3 | Corniana
|
n/d | |
4 | Faxas
|
n/d | |
5 | Folgueirinas
|
n/d | |
6 | Freisnéu
|
n/d | |
7 | Las Nisales
|
n/d | |
8 | La Pesquera
|
n/d | |
9 | Quintoños
|
n/d | |
10 | La Reguera
|
n/d | |
11 | Rondeiru
|
16 | 2,272,27% |
12 | Santa Ufemia
|
n/d | |
13 | Santueña
|
n/d | |
14 | Suburriba
|
48 | 6,86,8% |
15 | La Venta
|
n/d | |
16 | La Veiga
|
n/d | |
17 | Los Verdugos
|
n/d |
Nel llugar de Suburriba atopáronse ferramientes prehistóriques qu'indiquen presencia d'homínidos nel paleolíticu inferior o mediu.[7]
Yá na edá antigua, dientro del gran volume de castros identificaos nel valle del Narcea, asítiase unu dientro de les llendes de la parroquia, concretamente na Peña la Cabra, en Les Nisales.[8]
Anque l'antigua ponte que cruciaba'l Narcea al altor de Les Cases de la Ponte, ye'l probable llugar nel que'l rei Ramiro I ganó al Conde Nepociano nuna batalla pol tronu sobro l'añu 843 de nuesa yera, y el mesmu nome paez suxurir una esplotación romana nel llugar, la primer mención cierta al llugar de Corniana provién d'un documentu que dona la ilesia de San Martín, güei sumida, a la catedral d'Uviéu a finales del sieglu IX.[5]
Nel añu 1024 la infanta Cristina funda'l monesteriu, que va ser vencíu a la orde de Cluny en 1122 pol conde Sueru Bermúdez. Dende esti momentu, y hasta la so desapaición en 1835 de resultes de la desamortización de Mendizabal, el monesteriu va ser el centru de la vida de la llocalidá.
Corniana foi un llugar de camín y encruz de caminos importantes dende l'antigüedá. Hai constancia d'una ponte de posible construcción romana que taba n'usu na alta Edá Media que dexó d'usase y caltenese por un cambéu nel cursu del ríu que dexó la ponte en secu, y qu'a finales del sieglu XVIII Xovellanos describir n'estáu ruinosu. Dichu ponte yera usáu tantu por un ramal del cercanu Camín Real de la Mesa como del camín primitivu a Santiago[9].
Na década de los 40 del sieglu XX el gobiernu construyó una vía ferrial que xunía Pravia con Cangas[10] y pasaba pola llocalidá, pero esta nunca llegó a abrir.
Na actualidá, delles víes d'importancia pasen pola llocalidá o tienen empiezu o fin nella:
Tipu | Identificador | Denominación | Itinerariu! |
---|---|---|---|
Autovíes | A-63 | Autovía Uviéu-La Espina | Uviéu - Grau - Corniana - La Espina |
Otres carreteres | N-634 | Carretera Nacional N-634 | San Sebastián - Bilbao - Solares - Llanes - Uviéu - Ḷḷuarca - Ribadeo - Baamonde - La Coruña |
AS-15 | Carretera Corniana - Puertu de Zarréu | Corniana - Puente San Martín - Soutu los Infantes - Soutu - La Florida - Ponte del Infiernu - Cangas - La Riela - La Venta - Degaña - Puertu de Zarréu | |
AS-16 | Carretera Sotu'l Barcu-Corniana | Sotu'l Barcu - Pravia - Corniana | |
AS-347 | Carretera Pravia-Corniana | Pravia - Forcinas - Courias - Corniana | |
AS-38 | Carretera Corniana-San Roman | Corniana - Oteru - San Tisu (parroquia) - San Román |
San Xuan - 24 de xunu Nuesa Señora - 15 d'agostu: El día 14 d'agostu, como apertura de les fiestes de Corniana, ye tradición la celebración d'una espicha nel claustru del Monesteriu, na que los vecinos asistentes apurren distintes comíes típiques.
Asturpesca - 14 y 15 d'abril de 2018.
Feria que se celebra coincidiendo cola apertura de la temporada de pesca del salmón, na que se realiza, si les condiciones necesaries dan la oportunidá, la puya del Campanu" d'Asturies. Considérase Campanu d'Asturies a estos efeutos el primer salmón válidamente precintáu nos centros oficiales establecíos, como se consideró nel restu d'ediciones de la feria y preve el Reglamentu regulador de la Puya.
Real Monesteriu de San Salvador de Corniana
C.D. Cornellana: fundáu en 1966 y refundado en 1999. Anguaño desapaecíu
Jaime Menéndez Fernández "El Chatu" (25 de xunu de 1901 - 30 de xineru de 1969) intelectual, periodista, escritor, comisariu políticu
Parroquies de Salas | ||
---|---|---|
Aciana | Alava | Ardesaldu | Boudenaya | Camuñu | Cermoñu | Corniana | Doriga | La Espina | Godán | Idarga | Llaniu | Ḷḷaviu | Llinares | Maecina | Maeza | Miera | Prieiru | Salas | Santolín | San Esteban | San Xustu | Santiagu la Barca | Santuyanu | Soutu los Infantes | Viescas | Villamar | Villazón |