Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Turdus | |
---|---|
Turdus philomelos | |
Denominacions populars | |
Clasificación cientifica | |
Eukaryota | |
Animalia | |
Filo:
|
Chordata |
Aves | |
Passeriformes | |
Turdidae | |
Turdus | |
Descripción | |
Turdus
LINNAEUS, 1758 |
Turdus (L., 1758) ye un chenero d'aus en a orden Passeriformes y a familia Turdidae, que coincide alto u baixo con o conchunto d'especies de paixaros que en aragonés se diz «tordas» u «tordos». As especies an que os masclos tienen una color de tot negra reciben o nombre popular de «merlas».
As especies que fan parte d'o chenero Turdus son paixaros de selva, que viven en puestos con vechetación abundant y que i haiga árbols. Tienen colors marrons, grisas u negras, con a pancha mas clara en muitos casos y plena de piquetas de color.
Tipicament mesuran entre 20 y 30 centimetros de largaria, por entre 30 y 50 d'amplaria d'alas. Son buenas voladeras, pero por preferir habitats forestals se mueven a sobén brincando de branca en branca. De regular fan o niedo alto en os árbols, con branquetas y hierbas bien trenadas en o forcallo de dos ramas, u si no bien amagau entre una barda.
Son aus cantarigas, y fan cantos melodiosos y diversos. Bella especie arriba a imitar as vocalizacions d'atras aus y animals.
Os paixaros Turdus son omnivoros, anque prefieren os invertebraus como cucos, larvas d'insecto, arainas, miriapodos y muit especialment os limacos y os caragols. S'ha descrito que cualques especies de Turdus se sienten atraitas por as luminarias que fan as antenas d'os moluscos infectaus por un parasito.
Tamién minchan lulos, como bayas, y simients. Espontaniament se'n puede veyer picando en a fruita, en fruitos chicos como a ceresa, d'as que en pueden malmeter muitas.