Creta (en griego: Κρήτη) ye la cinquena isla mas gran d'a mar Mediterrania, dimpués de Sicilia, Cerdenya, Chipre y Corcega. Creta se troba arredol de 160 km a lo sud d'o continent. Tien un aria de 8.336 km² y una costa de 1.046 km. A suya capital y la ciudat mas gran ye Irákleio, en a costa d'o norte d'a isla.[2]
Historia
Os sers humans han habitau la isla dende fa a lo menos 130.000 anyos, mientres o Paleolitico. Creta estió lo centro d'a primera civilización abanzada d'Europa, os minoicos, dende 2700 dica 1420 a.C. A civilización minoica estió invadida per a civilización micenica de Grecia continental. Creta estió gubernada mas adebant per Roma, posteriorment y succesivament per l'Imperio Bizantín, os arabes d'Al-Andalus, a Republica veneciana y l'Imperio Otomán. En 1898 Creta aconsiguió la suya independencia d'os otomans, convertindo-se formalment en l'estau de Creta. Creta se convirtió en parti de Grecia d'aviento de 1913.
Clima
O clima en Creta ye sobretot mediterranio. L'atmosfera puede estar pro humida, dependendo d'a proximidat a la mar, mientres que d'hibierno ye pro suau. A nieu ye comuna en as montanyas entre noviembre y mayo, pero rara en as redoladas baixas.
Prencipals ciudaz
As suyas prencipals ciudaz son:
Grecia
