Ufhusen | |
---|---|
![]() | |
Basisdate | |
Staat: | Schwiiz |
Kanton: | Lozärn (LU) |
Wahlchreis: | Willisou |
BFS-Nr.: | 1145 |
Poschtleitzahl: | 6153 |
Koordinate: | 634782 / 218510 |
Höchi: | 717 m ü. M. |
Flächi: | 12.25 km² |
Iiwohner: | 934 (31. Dezämber 2022)[1] |
Website: | www.ufhusen.ch |
![]() Ufhuuse | |
Charte | |
![]() |
Ufhuuse (amtlech Ufhusen) esch e politischi Gmeind im Wahlkreis Willisou im Kanton Lozärn, Schwiiz.
Ufhuuse liid im Hüguland a dr Kantonsgrenze Bärn/Lozärn. Zue dr Gmeind ghöre ou na d Wiiler Engelprächtigen (658 m.ü.M.) ond dr Ortsteil Ruefswil (653 m.ü.M.). Vo dr Gmeindsflechi send 73,6 % Landwirtschaftlechi Flechi, 20,7 % Waud, 5,6 % Sidligsflechi ond 0,2 % süschtigi Flechi.[2] Nachbergmeinde vo Ufhuuse send Feschbech, Luutere, Willisou ond Zäu im Kanton Lozärn ond Eriswiu, Gummiswiu ond Huttu im Kanton Bärn.
Ufhuuse esch zom erschte Mau gnamsed worde im Jahr 1160 aus de Ufhusen i de Acta Murensia, em Bsitzverzeichnis vom Chloschters Muri.
Quälle: Bundesamt für Statistik 2005[3]
Jahr | 1850 | 1860 | 1870 | 1880 | 1888 | 1900 | 1910 | 1920 |
Iiwohner | 1003 | 953 | 952 | 947 | 851 | 837 | 839 | 893 |
Jahr | 1930 | 1941 | 1950 | 1960 | 1970 | 1980 | 1990 | 2000 |
Iiwohner | 902 | 975 | 923 | 827 | 797 | 738 | 774 | 789 |
Dr Uusländeraateil esch 2010 bi 3,3 % gläge.[2]
72,6 % vo dr Iiwooner send im Jahr 2000 römisch-katholisch gsii, 21,4 % evangelisch-reformiert.[2]
Bi dr Nationauraatswahle 2015 hät s das Ergebnis gää:[2] BDP 1,7% , CVP 41,6% , FDP 9,4% , GLP 2,4% , GP 0,4% , SP 2,2% , SVP 39,0% , Süschtigi 3,2%.
Dr Gmeindspräsident vo Ufhuuse esch dr Leo Kneubühler-Fritsche (Stand Februar 2016).
D Arbetslosigkeit esch im Jahr 2011 bi 0,5 % gläge.[2]
Bi dr Volkszellig 2000 hend vo dr 789 Iiwohner 98,6 % Dütsch aus Houptsprach aagää, 0,5 % Französisch ond 0,9 % anderi Sprache.[2]
Dr hochalemannisch Dialäkt vo Ufhuuse ghört zue dr Übergangsmundarte zwösche dr Weschtschwiizer ond dr Oschtschwiizer Dialäkt.