Dr Schwizer Zofigerverein (ou Zofingia gnennt) isch e schwizer Schdudänteverbindig, wo 1819 z Zofige gründet worde isch.
D Zofingia isch i 14 Sekzioone n iidéilt u a achd Universidäte, ere Fachhochschuel u füf Mittuschuele verdrätte. Gfüert wird d Zofingia vom „Centralausschuss“ (CAus), wo usem „Centralpräsident“ (CP), eme „Cetralaktuar“ (CA), eme „Centralquästor“ (CQ) u vier „Centralmorpione“ (emne „Biisitzer“) zämegsetzd isch. All Jaar finde derfür z Zofige Waale schdat. D Zofingia isch e Verbindig fürs Läbe; das heissd weme fertigschdudiert hed, chame Mitgliid vom Schwizerische n Altzofigerverein wärde. D Devise vor Zofingia isch Patriae, Amicitiae, Litteris (uf Dütsch: Fürz Vaterland, fürd Fründschafd, fürd Wüsseschafd). D Verbundehéit mit dr «Bundesstadt» Zofige n isch gross. D Farbe vor Verbindig (rot-wiss-rot) si di gliiche wi im Zofiger Schdatwappe.
![]() |
Dä Artikel basiert uff ere fräie Übersetzig vu dere Version vum Artikel „Schweizerischer_Zofingerverein“ vu de dütsche Wikipedia. E Liste vu de Autore un Versione isch do z finde. |