Schlettstàdt | |
![]() Kìrch Saint-Georges vu Schlettstàdt | |
Verwàltung | |
---|---|
Land | ![]() |
Region | ![]() |
Département | Bas-Rhin (67) |
Arrondissement | Sélestat-Erstein (Unterpräfektur) |
Kànton | Schlettstàdt |
Kommünàlverbànd | Sélestat |
Àmtliga Nàma | Sélestat |
Maire | Marcel Bauer (2014-2020)[1] |
Code Insee | 67462 |
Poschtlaitzàhl | 67600 |
Iiwohner | |
Iiwohner | 19.300 |
Flech | 44,45 km2 |
Bevelkerungsdicht | 434,26 Iiw./km2 |
Làg | |
Koordinate | 48° 15′ 34″ N, 7° 27′ 15″ E / 48.259444444444°N,7.4541666666667°EKoordinate: 48° 15′ 34″ N, 7° 27′ 15″ E / 48.259444444444°N,7.4541666666667°E |
Heche | 165–184 m |
Website | |
http://www.selestat.fr |
Dialäkt: Mìlhüüserisch |
Schlettstàdt ìsch a frànzeesche Stàdt ìm Arrondissement Sélestat-Erstein (Kanton Schlettstàdt) im Unterelsàss (Bas-Rhin). As lìegt ìn dr Mìttla vum Elsàss, àm Ìll entlàng. Do ìsch ungfahr d Sprochgranza zwìscha Unterelsassisch ìm Norda un Owerelsassisch ìm Süda.
Schlettstàdt lìegt ìn dr Mìttla vum Elsàss, 22 km ìm Norda vu Colmer un 47 km ìm Süda vu Stroßburg, un uf dr lìnka Sita vu dr Ìll. D Vogesa sìn nìt wit, àwer Schlettstàdt ìsch ìn dr Ewena (sina Heecha geht numma vu 165 bis 184 m).
Dr Tunnel Maurice Lemaire (aui bekànnt unterm Nàma Tunnel vu Sainte Marie-aux-Mines) verbìndet d Gegend àn d Lothrìnga.
Ìn dr Neecha fìndet ma dr Ìllwàld, a Nàturpark wo bi da greeschta àgschwemmta Wald ìm Frànkrìch zehlt. Do fìndet ma uf 1500 ha großa Baim un vìel Sorta Tiarer, wia Dàmwìlda.[2]
Ìn dr Legand noh, ìsch d Stàdt grìnda worra durch a Rìes wo "Sletto" gheißa hàt. Do kummt dr Nàma "Schlettstàdt" har.
Ìn dr Merowìngischa un Kàrolinginscha Zit ìsch Schlettstàdt a Besìtz vu da Keenig gsìì. 's ìsch a kleina Siedlung gsìì.D erschta Kìrch ìsch bàuia worra àn dam Ort wo jetzt d Sànkt-Georg Kìrch steht.
Vum XI.Johrhundert àb, gheert Schlettschàdt ìn dr Hohenstaufen Fàmìlia.
D Hildegarde von Büren, d Müeter vum Erschta vu da Hohenstaufen un d Grossmüeter vum Kaiser Friedrich Barbarossa, hàt do ànna 1087 a Heilig-Gràb-Kàpalla grìnda. Ànna 1094 hàt ìhra Suhn dia Kàpalla ìm Kloschter Conques gschankt. D Mìncha han Sànkt Fides (Sainte Foy) verehrt. Da Propstei, grìnda ànna 1905, hàt d Stàdt dirigiart bis 1216. Ànna 1216 hàt Friedrich II vu Hohenstaufen üs Schlettstàdt a frèia Stàdt gmàcht un ar hàt a Müüra drum umma bàuia.
Ìn dara Zit sìn d erschta Teil vu dr Sànkt-Georg Kìrch, üs friaihgottischer Styl.
Dr Keenig Rudolf vu Habsburg hàt vu Schlettstàdt a Reichstàdt gmàcht (vorhar ìsch's teilt gsìì zwìscha Riich un Propstei).
Vu 1354 bis 1679 ìsch Schlettstàdt Mìtglìed vu dr Zehstädterbund gsìì.
Ìn dr Renaissance Zit ìsch Schlettstàdt d Hàuipstàdt vum Humanismus worra. D Làtinschüel un dr Humanischtkollege sìn ìn dr gànza Europa beriahmt gsìì. D humanistischa Bibliothek gìt's jetzt noch.
Mìt dr Reformàtion, mìt da Büürakriag un Drissigjohrkriag hàt Schlettstàdt sina Màcht verlora.
Mìttem Weschtfälisch Frìeda, ànna 1648, ìsch Schlettstàdt a Besìtz vum frànzeescher Keenig Ludwig XIV. worra un mìttem Frìeda vu Nìmwaga ìsch Schlettstàdt gànz zu Frànkrìch gànga.
Ànna 1674 hàt dr Ludwig XIV. a Feschtung üs Schlettstàdt gmàcht, durch dr Vauban.
Schlettstàdt hàt a scheena Àltstàdt mìt verwìnkelta Gàssa. Bi da meischta sahnswìrdiga Gebäi sìn s bàrocka Ebermìnschter Hotel un dr màchtiga Uhrturm.
D Humanischtischa Bibliothek ìsch ànna 1452 grìnda worra.
S Schloss Hohkeenigsburg liejt éwwr Orschwiller, 10 km ìm Weschta vu Schlettstàdt.