E Saiteninstrumänt, Fachwort Chordofoon (lat.: corda Saite), isch e Muusiginstrumänt, wo mä für e Doon erzüüge äini oder meereri Saite verwändet, wo zwüsche zwäi Pünkt gspannt si. In de mäiste Fäll düen d Saite iiri Schwingige uf e Resonanzkörper überdrääge, wo iire Doon versterkt.
Verschiideni Doonhööchene bechunnt mä über, wemm mä - wie zum Bischbil bi dr Giige oder dr Gitarre - äntwääder d Saite abdäilt und eso dr schwingendi Däil vo dr Saite verchürzt, oder mä het für jeede Doon (mindestens) äi äigeni Saite wie bi dr Harfe oder em Klavier oder mä ziet d Saite straffer aa wie bi dr Hoggeharfe. Es gältet immer: je dünner, je chürzer und je straffer gspannt e Saite isch, umso hööcher wird iire Doon.
Saiteninstrumänt cha mä uf e baar Arte süstematisch iiordne.
Dr Chistebass ghöört noch deere Iidäilig zur Klass vo de Harfe, s Hackbrätt isch e Zithere und d Giige e Laute. Es git aber au vili Mischforme: so weer s Klavier zum Bischbil e Zithere ooni Resonanzdecki.
![]() |
Dä Artikel basiert uff ere fräie Übersetzig vum Artikel „Saiteninstrument“ vu de dütsche Wikipedia. E Liste vu de Autore un Versione isch do z finde. |