Rhode Island
Fahne Sigel
Lischt vo dr Bundesstaate
Hauptstadt:	Providence
Staatsmotto:	Hope (Hoffnung)
Flechi:	3.144 km²
Iiwohner:	1.097.379 (Zänsus vu 2020) (349 E./km²)
Mitgliid siit:	29. Mai 1790
Ziitzone:	Eastern: UTC−5/−4
Höchscht Punkt:	247 m (Jerimoth Hill)
Durchsch. Höchi:	60 m
Diefscht Punkt:	0 m (Àtlantischer Ozeààn)
Gouverneur:	Daniel McKee (D)
Poscht / Àmt / ISO:	RI / RI / US-RI
Charte vo Rhode Island

Rhode Island (uff Àmerikàànisch Anglisch sààgt m’r [ˌɹoʊ̯dˈaɪ̯lənd](info) üss) ìsch dr klainschta Bundesschtààt vu da Verainigta Schtààta vun Àmerikà un Tail vu dr Regioon Näianglànd. Ar wìrd àui The Ocean State (dr Ozeààn-Schtààt) un Little Rhody (Klai-Rhody) g’nännt. Dr Urschprung vum Schtààt ìsch d’ hìttiga Hàuiptschtàdt Providence, wo ànna 1636 vum Roger Williams grìnda worra-n-ìsch un àn dr Narragansett Bay lììgt.^[1]

Rhode Island granzt ìm Wäschta àn Connecticut, ìm Norda un Oschta Massachusetts, ìm Süüda àm Àtlantik, un hàt a kurza Seegranz zem Bundesschtààt Näi York eeschtlig vu Long Island.^[2] Rhode Island ìsch dr US-Bundesschtààt mìt dr klainschta Flächa un (noh New Jersey) dr zwaita Bundesschtààt mìt dr heechschta Beveelkerungsdìchta. D’ Hàuiptschtàdt ìsch Providence — ’s ìsch àui mìt äbba 190.000 Iiwoohner d’ Schtàdt mìt dr greeschta Beveelkerung.^[3]

Rhode Island hàt a 640 Kilomeeter lànga Kìschta. D’ verschììdana Ìnsla schtälla-n-äbba 14 Prozant vu dr Schtààtsflächa dààr.^[3]

Schuu längscht hann d’ Ìndiààner ìm Gebiat um Narragansett Bay g’woohnt, vor äbb d’ Anglander ìm 17. Joohrhundert àànakumma sìnn. Rhode Island ìsch d’ ainziga vu da Driizeeh Kolonia, wo vu’ma Flìchtling grìnda worra-n-ìsch. Dr Roger Williams ìsch vor religiöösa Verfolgung ìn Groossbritàània ìn d’ Massachusetts Bay Colony g’flìchta un hàt a Territorium mìt dr Religioonsfräihait wälla grìnda. Ar hàt ìn da Ìndiààner Làndschtìckla kàuifa un hàt druff ànna 1636 d’ Schtàdt Providence grìnda — dàs ìsch d’ äärschta Sììdlung ìn Àmerikà mìt’ra offiziäll gottloosa Regiarung gsìì. Ìn dr Kolonii vu Rhode Island sìnn schpeeter religiöösa un politischa Màchtgeegner kumma.^[4]

Rhode Island hàt àls äärschta Kolonii ànna 1774 a Kontinäntààlkongrass g’hàlta un àm 4. Mai 1776 sìch vu dr britischa Hoochhaitsmàcht loo schaida.^[5] Noh dr Àmerikàànischa Revoluzioon hàt Rhode Island àm 9. Hornung 1778 àls viarter Bundesschtààt d’ Konfederàzioonsàrtìkel ràtifiziart.^[6] D’ Bìrger hann sìch jedoch a Zäntrààlregiarung mìt numma weenig Màcht g’wunscha, àlso hàt Rhode Island àm Verfàssungskonwant ànna 1787 nìt mìtg’màcht^[7] un domìt d’ Verfàssung vu da Verainigta Schtààta nìt ràtifiziart.^[8] Ar hàt sììe schliasslig àm 29. Mai 1790 àls lätschter vu da 13 Bundesschtààta ràtifiziart.^[9][10]

Rhode Island ìsch ìn fìmf Counties untertailt, àwwer dia Counties hann kää Regiarung. D’ Lokààlpolitik wìrd àlso dur d’ 39 Gmaindaregiarunga ìm Bundesschtààt b’hàndelt. Ìn Rhode Island sìnn 8 Cities un 31 Towns. D’ 19 greeschta Schtädt ìm Bundesschtààt sìnn:^[11]

Ainiga Gmainda sìnn salbscht ìn „Derfer“ (villages) untertailt — dàs ìsch àui dr Fàll ìn vììla àndra Bundesschtààta ìn Näianglànd.

• d’ greeschta Schtädt ìn Rhode Island
• 
  1. Providence
• 
  2. Cranston
• 
  3. Warwick
• 
  4.Pawtucket
• 
  5. East Providence
• 
  6. Woonsocket
• 
  7. Coventry
• 
  8. Cumberland
• 
  9. North Providence
• 
  10. South Kingstown
• 
  11. Johnston
• 
  12. West Warwick
• 
  13. North Kingstown
• 
  14. Newport
• 
  15. Westerly

• J. Stanley Lemons: Rhode Island. In: Encyclopædia Britannica. Encyclopædia Britannica, Inc. (amerikanisches Englisch, britannica.com [abgerufen am 22. August 2024]). 
• Peter J. Coleman: The Transformation of Rhode Island, 1790–1860. 1963 (amerikanisches Englisch). 
• Patrick T. Conley: The Makers of Modern Rhode Island. The History Press, 2012, ISBN 1-60949-164-5 (amerikanisches Englisch, 192 S., Iigschränkti Vorschau uf books.google.de). 
• Patrick T. Conley: The Rhode Island State Constitution. Oxford University Press, Näi York 2011, ISBN 978-0-19-977871-3 (amerikanisches Englisch, Iigschränkti Vorschau uf books.google.de). 
• Paul F. Eno, Glenn Laxton: Rhode Island: A Genial History. First Edition edition, 2005, ISBN 1-891724-03-7 (amerikanisches Englisch, 304 S., Iigschränkti Vorschau uf books.google.de). 
• David S. Lovejoy: Rhode Island Politics and the American Revolution, 1760–1776. 1969 (amerikanisches Englisch). 
• William McLoughlin: Rhode Island: A History. W. W. Norton, Näi York 1986, ISBN 0-393-30271-7 (amerikanisches Englisch, Iigschränkti Vorschau uf books.google.de). 

 Commons: Rhode Island – Sammlig vo Multimediadateie

• Offiziälla Websitta vu dr Schtààtsverwàltung (anglisch)

41.678040531667-71.474304199167Koordinate: 41° 41′ N, 71° 28′ W