Rächthaute | |
---|---|
![]() | |
Basisdate | |
Staat: | Schwiiz |
Kanton: | Friburg (FR) |
Bezirk: | Seisebezirk |
BFS-Nr.: | 2301 |
Poschtleitzahl: | 1718 |
Koordinate: | 584869 / 179611 |
Höchi: | 881 m ü. M. |
Flächi: | 7,3 km² |
Iiwohner: | 1135 (31. Dezämber 2022)[1] |
Website: | www.rechthalten.ch |
![]() i de katholische Chiuche | |
Charte | |
![]() |
Rächthaute (amtlich Rechthalten; franzöösisch Dirlaret, Patois ) isch a Gmiin im obere Seisebezirk.
Rächthaute het über tuusig Iiwohner, wa im Dorf u verschidene Wiiler wii im Entemoos oder i de Woufiich wohne. Ds Dorf ligt am Südhang vam Pfuffuhubu, wa di rächti Hauta va dem chline Bärg isch – va dete isch o de Name vam Dorf abgleitet. D Galtera, a chlina Bach wa z Fryburg i d Saane mündet, het z Rächthaute sina Quäla. D Nachpurgmiine va Rächthaute sy Santursche, Brünisried, Plaffeie, Plassäub u Güffersch.
S erscht Mol isch de Näme vom Ort in ere Urkunde vo 1142 ufgschribe cho. Derte isch di romanisch Form Drallaris gnennt, 1180 isch Dreit Laris gnennt. Di dütsch Schribig Rehhalton findt sich s erscht mol im Johr 1250.
D Pfarii isch s erscht mol 1228 erähnt un isch viu grösser gsi als hüt. Grossi Deil vom Seiseoberland bei derzue ghört un zwar die vir Schröt Rächthaute, Brünisried, de oberi Schrot un Zumhouz. Bi de Fryburger Staatsreform 1831/33 si us dänne vir Schröt vir selbschtändigi Gmiine gründt cho.
Quela: Bundesamt für Statistik 2005[2]
Jaar | 1850 | 1860 | 1870 | 1880 | 1888 | 1900 | 1910 | 1920 |
Yywoner | 808 | 903 | 929 | 1008 | 1081 | 1088 | 1178 | 1206 |
Jaar | 1930 | 1941 | 1950 | 1960 | 1970 | 1980 | 1990 | 2000 |
Yywoner | 1080 | 1118 | 1016 | 1015 | 878 | 862 | 958 | 1025 |
De Uusländeraateel isch 2010 bi 2,2 % gläge.[3]
80,3 % va de Yywoner si im Jaar 2000 römisch-katholisch gsii, 13,5 % evangelisch-reformiert.[3]
Bi de Vouchszelig 2000 hii va de 1025 Yywoner 95,4 % Tüütsch aus Hùùptspraach aaggää, 3,8 % Franzöösisch ù 0,8 % anderi Spraache.[3]
De seislertüütsch Tialäkt va Rächthaute ghöört zum Hööjschtalemannisch.