Mettmenstetten | |
---|---|
Basisdate | |
Staat: | Schwiiz |
Kanton: | Züri (ZH) |
Bezirk: | Affoltere |
BFS-Nr.: | 0009 |
Poschtleitzahl: | 8932 |
UN/LOCODE: | CH MET |
Koordinate: | 677662 / 233183 |
Höchi: | 468 m ü. M. |
Flächi: | 13,11 km² |
Iiwohner: | 5635 (31. Dezämber 2022)[1] |
Website: | www.mettmenstetten.ch |
Sicht uf Mäpmischtette vom Paradis | |
Charte | |
Mäpmischtette (amtlich Mettmenstetten) isch e politischi Gmäind im Bezirk Affoltere im Kanton Züri, Schwiiz.
S Wappe vo Mäpmischtette - uf Silber zwei zämegwachseni schwarzi Einhornrümpf, wo sich de Rugge zuecheret - sind vo de ehemalige Grundherre, de Edle vo Hüneberg, überno.
Mäpmischtette liid im sanfte Hügelland vom Chnonaueramt. 67,9 % vo de Gmeindsflächi diened de Landwirdschaft, 19 % isch Wald, 5,3 % diened em Vercher und 7,8 % isch Sidligsflächi.[2]
Mäpmischtette isch im Jahr 1116 als Metemunstat zerstmal urkundlich erwähnt worde. D Habsburger sind im Jahr 1173 i Bsitz vo Mäpmischtette cho. Ab 1346 sind d Ritter vo Hüneberg Vögt über Obermettmenstette; vo ihne stammt s Gmeinswappe ab.
Bevölkerigsentwicklig | |
---|---|
Jahr | Iiwohner |
1836 | 1405 |
1850 | 1450 |
1900 | 1396 |
1950 | 1710 |
2000 | 3724 |
2010 | 4245 |
De Uusländeraatäil liit bi 12,8 % (Stand 2011).[2]
43,7 % vo de Iiwooner sind evangelisch-reformiert, 27,9 % sind römisch-katholisch (Stand 2011).[2]
Bi de Kantonsraatswaale 2011 hät s das Ergebnis ggee:[2] BDP 3,9 %, CVP 2,6 %, EDU 4,3 %, EVP 9,0 %, FDP 9,0 %. GLP 10,7 %, GP 10,1 %, SP 17,1 %, SVP 32,6 %, Suschtigi 0,8 %.
Gmäindspresidänt isch de René Kälin (Stand 2012).
D Arbetslosigkäit isch im Jaar 2010 bi 2,4 % gläge.[2]
De züritüütsch Tieläkt vo Mäpmischtette ghört zue de Ämtler Mundarte.